Archive for the ‘வன்முறை மறத்தல்’ Category

“துப்பாக்கி” – சென்சார் ஒப்புதல் அடித்த படத்தில் முஸ்லீம்கள் எதிர்ப்பால் சென்சார் செய்யப்பட்டது!

நவம்பர் 18, 2012

“துப்பாக்கி” – சென்சார் ஒப்புதல் அடித்த படத்தில் முஸ்லீம்கள் எதிர்ப்பால் சென்சார் செய்யப் பட்டது!

சென்சார் செய்யப் பட்ட படம் சென்சாருக்குட்பட்டது: முஸ்லீம்கள் “துப்பாக்கி” பதத்தை எதிர்த்து ஆர்பாட்டம் – முஸ்லீம்களை விமர்சிப்பதாக வசனங்கள், காட்சிகள் உள்ளன என்று அவர்கள் ஆர்பாட்டம் செய்ய ஆரம்பித்தனர். சென்சார் ஒப்புதலுடன் அப்படம் வெளிவந்துள்ளது. ஆக சென்சாருக்குத் தெரியாதது, தமிழக முஸ்லீம்களுக்குத் தெரிந்துள்ளது. உடனே கிருத்துவமதத்தினரான சந்திரசேகர், தயாரிப்பாளர் முதலியோர் பதறிப்போய், அத்தகைய காட்சிகள் எல்லாவற்றையும் நீக்கி விட்டு, படத்தை ஓட்டுகிறோம் என்று வாக்களித்துள்ளனர்[1]. அதுமட்டுமல்லாது, தாங்கள் சென்சார் செய்த படத்தையே சென்சார் செய்துள்ளதை, பயபக்தியுடன் சென்சார் போர்டுக்குத் தெரிவித்துள்ளதாக தெரிவித்துள்ளனர்.  சாதாரணமாக செக்யூலரிஸ போர்வையில் வக்காலத்து வாங்கி வரும் “தி ஹிந்து” இப்படத்தைப் பற்றி விமர்சனத்தை பொதுவாகத்தான் செய்திருந்தது[2]. இத்தகைய எதிர்ப்பு வரும் என்றால், “தி ஹிந்து” தனது “ஏழாவது அறிவை” உபயோகப்படுத்தி எச்சரிக்கை செய்திருக்கும்!

திவீரவாதத்தின் பின்னணியை எடுத்துக் காட்டும் வகையில் எடுக்கப்பட்ட படம்: விஜய்-காஜல் அகர்வால் ஜோடியாக நடித்த, ஏ.ஆர். முருகதாஸ் இயக்கி, கலைப்புலி தாணு தயாரித்துள்ள “துப்பாக்கி’ திரைப்படம் ஏற்கெனவே பல சர்ச்சைகளிடமிருந்து விடுபட்டு தீபாவளிக்கு ரிலீசாகி ஓடிக்கொண்டு இருக்கின்றது. மும்பை தீவிரவாத சதிச் சம்பவப் பின்னணியில் இப்படத்தின் கதை அமைந்துள்ளது. அதாவது கடற்படையில் இருக்கும் ஒரு வீரன், கல்யாணம் செய்துக் கொண்டு மும்பையில் இருக்கிறான். அவன் பேருந்தில் செல்லும்போது, ஒரு தீவிரவாதி குண்டு வைக்கிறான். அதனைக் கண்டு பிடுக்கும் அவன், அதன் பின்னணியில், தீவிரவாதக் கூட்டம் இருப்பதையும் கண்டு பிடிக்கிறான். தீவிரவாதிகளை எதிர்த்து போராடி, அவர்களைக் கொல்கிறான்[3]. 12க்கு-12 என்று தீவிரவாதிகளைக் கொன்று தீர்க்கிறான்[4]. இத்தகைய பின்னானியில் இருப்பதால், தத்ரூபமாக தீவிரவாதிகள் முஸ்லீம்கள் என்று காட்டப்பட்டுள்ளது.

முஸ்லீம்கள் இப்படத்தை எதிர்ப்பது ஏன்?: தமிழகத்தில் முஸ்லீம்கள் தீவிரவாதிகள் போல சித்தரிக்கப்படும் படம், பிரபலமான நடிகர் விஜய் நடித்து வெளிவந்துள்ளதால், இதனைப் பார்க்கும் சிறிவர்கள்-இளைஞர்கள் மனங்களில் முஸ்லீம்கள் தீவிரவாதிகள் என்ற எண்ணம் ஏற்பட்டுவிடும், அதனால் முஸ்லீம்களின் நிலை பாதிக்கப்படும் என்று நினைத்து அதனை எதிர்க்க முஸ்லீம்கள் தீர்மானித்தனர். இந்த நிலையில் முஸ்லீம்களை விமர்சிப்பது போல இப்படம் உள்ளதாக தேசிய லீக் கட்சி எதிர்ப்பு தெரிவித்துள்ளது. முஸ்லீம்கள் தீவிரவாதிகள், துரோகிகள் என்பது போலச் சித்தரிக்கப்பட்டுள்ளதாக குற்றச்சாட்டு எழுந்தது[5]. சர்ச்சைக்குரிய காட்சிகளை படத்திலிருந்து நீக்க வேண்டும் என்றும் அது கூறியுள்ளது. மேலும் பல்வேறு முஸ்லீம் அமைப்புகள் இணைந்து விஜய் வீட்டு முன்பு போராட்டம் நடத்தலாம் என்றும் தகவல்கள் வெளியாகி, அதன்படி போராட்டமும் நடந்தன[6]. நீலாங்கரையில் உள்ள விஜய் வீட்டின் முன்னால் முற்றுகை போராட்டமும் நடந்தது. போலீஸார் முஸ்லீம்களை பாதுகாப்பு கருதி கைது செய்து விடுதலை செய்தனர்.

முஸ்லீம்கள் எதிர்ப்பினால் முக்கியமான காட்சிகள் நீக்கப்பட்டன: இந்த படத்தில் முஸ்லிம்களுக்கு எதிரான காட்சிகள் இடம்பெற்றுள்ளதாக இஸ்லாமிய அமைப்புகள் எதிர்ப்பு தெரிவித்தன.  அதனால், தயாரிப்பாளர், டியக்குனர் முதலியோர், “துப்பாக்கி படத்தை யார் மனதையும் புண்படுத்தும் நோக்கத்தில் எடுக்கவில்லை, பொழுதுபோக்கு அம்சமாகத்தான், யதார்த்தமாக கதையின் பின்னணியில் அத்தகைய காட்சிகள் சேர்க்கப்பட்டன. அப்படி யாருடைய மனதாவது புண்பட்டிருந்தால் அதற்காக வருந்துகிறோம், பகிரங்கமாக மன்னிப்பு கேட்டுக் கொள்கிறோம் என்று தெரிவித்தனர்.[7]. இருப்பினும் அவர்களுக்கு மிரட்டல்கள் வந்தவண்னம் இருந்தன. இதையடுத்து விஜய், ஏ.ஆர்.முருகதாஸ், எஸ்.ஏ. சந்திரசேகரன், கலைப்புலி தாணு போன்றோருக்கு போலீஸ் பாதுகாப்பு அளிக்கப்பட்டது. இந்த நிலையில் கலைப்புலி தாணுவும் எஸ்.ஏ. சந்திரசேகரனும் இன்று காலை எழும்பூரில் உள்ள போலீஸ் கமிஷனர் அலுவலகத்துக்கு வந்தனர். அங்கு கமிஷனர் ஜார்ஜை சந்தித்து பேசினார்கள். சந்திப்பு முடிந்து வெளியே வந்த கலைப்புலி தாணு நிருபர்களிடம் கூறியதாவது[8]:- “துப்பாக்கி படத்தில் சில காட்சிகள் தங்கள் மனதை புண்படுத்துவதாக உள்ளது என்று இஸ்லாமிய சகோதரர்கள் வருத்தப்பட்டனர். அதற்கு செவி சாய்த்து படத்தில் 5 இடங்களில் இடம் பெற்றுள்ள சர்ச்சைக்குரிய வசனங்களை நீக்கிவிட்டோம்[9]. அதை கமிஷனரை நேரில் சந்தித்து தெரிவித்தோம். இஸ்லாமிய சகோதரர்களையும் சந்தித்து சொல்லப் போகிறோம். 50 பிரிவாக தியேட்டர்களுக்கு சென்று வசனங்கள் எடிட் செய்யப்பட்டு வருகின்றன”, என்று அறிவித்து பிறகு காட்சிகள் நீக்கப்பட்டுவிட்டன[10] என்று அறிவித்தனர்.

முஸ்லீமாக விஜய் நடிப்பாரா?: “அடுத்த படத்தில் விஜய் முஸ்லீமாக நடிப்பார்’, என்றும் தயாரிப்பாளர் முஸ்லீம்களை திருப்தி படுத்த கூறினார்[11]. ஆனால், அவ்வாறு நடிப்பாரா, இல்லையா என்று பார்க்க வேண்டும். ஏனென்றால், நாளைக்கு கிருத்துவர் அத்தகைய காட்சிகளில் நடித்தார், அது சரியில்லை, இது சரியில்லை என்றெல்லாம் எதிர்ப்புத் தெரிவிக்கக் கூடும். இந்தியர்கள் இவர்கள் அடிக்கும் “செக்யூலரிஸ” கூத்தைக் கண்டு வியக்கத்தான் வேண்டியுள்ளது. நடிகளை “கூத்தாடிகள்” என்றெல்லாம் எளனம் செய்த பகுத்தறிவுவாதிகள், இப்பொழுது “கருத்து சுதந்திரம்”, “நடிப்பு சுதந்திரம்”, “நடிகன் சுதந்திரம்”, “சினிமா சுதந்திரம்” என்றெல்லாம் பேசக் காணோம். நடிகர் சங்கத்தில் எதிர்ப்பு, பேச்சு முதலியவற்றை சுத்தமாக காணோம். பிறகு ஏன், “அடுத்த படத்தில் விஜய் முஸ்லீமாக நடிப்பார்’, என்றும் தயாரிப்பாளர் கூற வேண்டும்? அத்தகைய சமரசம், பாரபட்சம் முதலியவை ஏன்? மற்ற திரைப்பட விஷயங்களில் கொதிக்கும் இவர்கள், இவ்விஷயத்தில் அமைதியாக இருப்பது ஏன்?

கமல்ஹஸன் கலங்குகிறாரா அல்லது தைரியமாக தனது படத்தை வெளியிடுவாரா?’:  துப்பாஅக்கி படத்தை ரஜினி இரண்டு தடவை பார்த்துப் பாராட்டியுள்ளார் என்று செய்திகள் வெளியாகியுள்ளன. அந்நிலையில் படத்தைப் பார்த்து விட்டு, கமல் ஹஸன் என்ற போலி நாத்திகர் திகைத்துபோயுள்ளாராம்[12]. இதற்கு முன்பு விஸ்வரூபம் படத்திற்கும் இதே அமைப்புகள் கண்டனம் தெரிவித்திருந்தன. இரண்டு படங்களுமே ஒரே மாதிரியான பிரச்சனையில் சிக்கிக் கொண்டிருக்கும் வேளையில், இந்தப் படங்களுக்கு இடையில் இருக்கும் மற்றுமொரு ஒற்றுமை கமலை அதிர்ச்சிக்குள்ளாக்கி இருப்பதாக தகவல்கள் வெளியாகியுள்ளன[13]. இரண்டு படங்களின் கருவும் தீவிரவாதத்தையும், தீவிரவாதிகளையும் மையமாகக் கொண்டது. துப்பாக்கி படத்தில் ஒரே நேரத்தில் 12 “ஸ்லீப்பர் செல்” தீவிரவாதிகளை சுட்டுக்கொல்லும் காட்சி ஒன்று இடம்பெற்றிருந்தது. இந்தக் காட்சி தான் படத்தின் ஹைலைட். இதைப் போன்று ஒரு காட்சி விஸ்வரூபம் படத்திலும் வருகிறதாம். துப்பாக்கி படத்தில் வெவ்வேறு இடங்களில் வைத்து இந்த 12 பேரையும் சுட்டுக் கொல்வார் விஜய். விஸ்வரூபம் படத்தில் பஸ்சுக்குள் வைத்து ”ஸ்லீப்பர் செல்” தீவிரவாதிகளை சுட்டுக் கொல்வார்களாம். இரண்டு படத்திலும் ஒரே மாதிரியான காட்சிகள் இருந்தாலும் துப்பாக்கி முந்திக் கொண்டதால், விஸ்வரூபம் படத்தில் இந்தக் காட்சியை மாற்றி அமைப்பார்களா என்ற கேள்வி அனைவர் மனதிலும் எழுந்துள்ளது. இந்தக் கேள்விக்கு உலகநாயகன் ஒருவரால் மட்டுமே பதில் கூற முடியும் என்பதால், அவரது பதிலை அனைவரும் எதிர்பார்த்துக் கொண்டிருக்கின்றனர்[14].

“ஸ்லீப்பர் செல்” என்றால் என்ன, முஸ்லீம்கள் அதகைய காட்சிகளை ஏன் எதிர்க்க வேண்டும்?: “தூங்கும் அறை” / “பதுங்குக் குழி” என்று எளிதாக பொருள் கொண்டாலும், ஒரு பெரிய சதித்திட்டத்தை பயங்கரவாதம் மூலம் செயல்படுத்த மறைந்து வாழும் தீவிரவாதியின் இடம் என்று பொருள் பெறப்படும்[15]. “புலியின் குகைக்குள்” சென்று, போராடுவது போல, தீவிரவாதிகளின் ரகசிய இடத்திற்குச் சென்று, அவர்களைப் பிடிப்பது, கொல்வது அவர்களது பயங்கரவாத சதித்திட்டத்தை முறியடித்து மக்களைக் காப்பாறுவது என்று பொருள் விரியும். இந்த திட்டத்தின்படி, சதித்திட்டத்தை நிறைவாற்றுவதற்காக பயங்கரவாதிகள், தீவிரவாதிகள் சமூகத்தில் பற்பல வேடங்களில் மறைந்து வாழ்ந்து, விஷயங்களை அறிந்து கொண்டு, பிறகு தாக்குவர். ஒரு குறிப்பிட்ட சமூகத்தை அல்லது நாட்டைக் குறிவைத்தால், அந்த சமூகத்தில் / நாட்டில் அந்த சமூக அங்கத்தினர் / பிரஜைப் போன்றே நடந்து கொண்டு, வாழ்து, பிறகு ஆணை வரும் போது, தீவிரவாத-பயங்கரவாத-குரூரக் கொலைகள்-குண்டுவெடிப்புகள் முதலியவற்றை மேற்கொள்வார்கள்[16]. அஜ்மல் கசாப் என்ற பயங்கர-தீவிரவாதி அல்லது தீவிர-பயங்கரவாதி, ஒரு இந்து இளைஞன் போல, கைகளில் சிவப்பு கயிறு, நெற்றியில் குங்குமம், இந்தியில் பேச்சு, மீசையில்லாத அப்பாவி முகம் என்ற சகிதத்தில் வந்துதான் மும்பையில் அத்தனை குரூரத்தை செய்திள்ள்ளனர். இக்காலத்தில், குண்டு வெடிப்பு மூலம் அப்பாவி மக்களைக் கொன்று, பீதியைக் கிளப்பி அதன் மூலம் தமது தீவிரவாதக் கொள்கைகளைப் பரப்புவது என்று தாலிபான், அல்குவைதா, ஹிஜ்புல் முஜாஜித்தீன், இந்திய முஜாஜித்தீன் என்று பல பயங்கரவாத-தீவிரவாதக் கூட்டங்கள் இயங்கி வருகின்றன.

இந்திய முஸ்லீம்கள் செய்யவேண்டியது என்ன?: சுதந்திர போராட்டத்தில் முஸ்லீம்கள் பலர் இந்துக்களைப் போன்றே நாட்டுப்பற்றுடன் போராடியுள்ளனர். இன்றும் பலர் உள்ளனர், ஆனால், மற்ற முஸ்லீம்களினால் அவர்கள் வெளிப்படையாக தமது கருத்துகளை சொல்லாமல் இருக்கிறார்கள். நடந்து வரும் தீவிரவாத நிகழ்வுகளினால் வருத்தப் படும் முஸ்லீம்கள் அவர்கள். ஆனால், மற்ற முஸ்லீம்களினால் அமுக்கப்படுகின்றனர். தீவிரவாதத்தை எதிர்க்கவேண்டும், கண்டிக்கவேண்டும் என்று சொன்னால் கூட, அவர்கள் குரல்கள் அமுக்கப்படுகின்றன. ஆகவே, இந்திய முஸ்லீம்கள், இந்திய நாட்டின் நலத்திற்காக போராட வேண்டும்.

சினிமாக்காரர்கள் பொறுப்பாக நடந்து கொள்ள வேண்டும்: சினிமாவில் பிழைப்பிற்காக, நடக்கும் நிகழ்ச்சிகளை வைத்துக் கொண்டு படம் எடுக்கிறோம் என்று சினிமாக்காரர்கள் வாதிடலாம். ஆனால், சமூகத்தை சீரபழிப்பவர்களே இன்று அவர்கள் தாம் காரணம். இன்றைய இளைஞர்கள் கெட்டுப்போவதற்கு அவர்கள் தாம் காரணம்; பெரியவர்களுக்கு மரியாதை கொடுக்காமல், ஆசிரியர்களை மதிக்காமல், பெண்களை அசிங்கப்படுத்துவது ஆபாசப்படுத்துவது போன்ற செயல்களை இவர்கள் செய்து வருகிறார்கள். ஆகவே, சினிமாக்காரர்கள் பணம் சம்பாதிப்பது என்பது தான் ஒரே குறிக்கோள் என்றில்லாமல் பொறுப்பாக நடந்து கொள்ள வேண்டும்.


[3] Vijay has the greatest task as a military man to save his nation against the sleeper cells terrorists and get the main man who is organizing every terrorist act in the nation.

http://www.livechennai.com/detailnews.asp?newsid=3580

[5] An Islamic organisation – Indian National League Party (INLP) on Wednesday (November 14) protested against the film and alleged thatThuppakki portrays Muslims as terrorists and traitors.

http://entertainment.oneindia.in/tamil/news/2012/muslims-protest-against-vijay-thuppakki-101158.html

[14] After a lot of controversy, Thuppaki got a grand release and is running successfully on theatres. Although the film got a huge response from the viewers, the Muslim organizations protest against Thuppaki and it is no more a news. Earlier it was Kamal Hassan’s Vishwaroopam to get into the same controversy. Both the films are under the same controversy but Kamal is shocked to know that there is another similarity between both the films. Both these films contain the same concept that of with terrorisms. In Thuppaki there is a particular scene that at the same time they shoot and kill 12 Sleeper Cell terrorists. And this is the highlight of the film. There is similar scene appearing in Vishwaroopam as well. In Thuppaki Vijay will kill all the 12 peoples from different places whereas in Vishwaroopam they will kill them inside the bus. Although both the films have the same sequences, Thuppaki was the first to get release. So now the question raised is that whether Kamal will change the scenes or not. The answer to this question can be given only by Kamal, so the viewers are eagerly waiting for the reasonable reply from the star.

[16] http://www.wisegeek.com/what-is-a-sleeper-cell.htm#lbss

One of the most insidious tactics at a terrorist organization’s disposal is the implementation of a sleeper cell. A sleeper cell consists of secret agents who receive specialized training in their home countries and are then assigned to assimilate into another country’s culture and society. These sleeper agents may spend years performing their regular duties while living deep undercover, then suddenly receive orders from their overseas handlers to either commit an act of terrorism or provide aid to those who will. Individual members of a sleeper cell may not even be aware of each other, since plausible deniability during police interrogations can be vital. One sleeper agent may work for an airlineticket office, for example, while another may work at a car rental company or a chemical plant. When the commanders of the terrorist organization want to activate a sleeper cell, each agent may only receive the name of one contact person or receive only his or her specific orders. The airline ticket agent, for example, may only be told to provide tickets for 4 men traveling from Germany to New York. The car rental agent may only be told to pick up these men from the airport and deliver them to the chemical plant. This process insures that no individual member of the sleeper cell is aware of the entire plan.

திராவிடர் கழகம் எந்த மதத்திற்கும், இனத்திற்கும் எதிரானது அல்ல – வீரமணி பேச்சு! (பிராமணாள் கபே பிரச்சினை தொடர்கிறது)

நவம்பர் 7, 2012

திராவிடர்  கழகம்  எந்த  மதத்திற்கும்,  இனத்திற்கும்  எதிரானது  அல்ல  –  வீரமணி  பேச்சு! (பிராமணாள் கபே பிரச்சினை தொடர்கிறது)

04-11-2012 (ஞாயிற்றுக்கிழமை): “பிராமாணாள் கபே” பிரச்சினையில் பெரியார் திராவிட கழகம் முந்தி கொண்டதை அறிந்த “இனமானத்தலைவர்” கலங்கிபோய், கூட்டத்தை அறிவித்து, அனுமதி கிடைக்காமல், நீதிமன்றத்திற்குச் சென்று, ஒருவழியாக, எந்த பிரச்சினையும் வராது என்று ஒப்புக்கொண்டதும், திருவானைக்காவல் பாரதி தெருவில் திராவிடர் கழக பொதுக்கூட்டம் ஞாயிற்றுக்கிழமை அன்று பொலீஸ் அனுமதியுடன் நடந்தது[1]. ஊடகங்கள் இதைப் பற்றி குறைவாகவே செய்திகளை வெளியிட்டுள்ளன. நிச்சயமாக வீரமணி கூட்டத்தார் அமுக்கியே வாசித்துள்ளனர். ஜாதிப்பெயரை ஒழிக்க எந்த போராட்டத்துக்கும் தி.க தயாராக உள்ளது என கி.வீரமணி பேசினாலும், திகவினரே அல்லத் திராவிடத்துவ வல்லுனர்களே ஜாதிகளை தாராளமாகப் பரப்பியுள்ளதை தமிழக மக்கள் அறிந்துள்ளனர். அதனால், ஏதோ பேசவேண்டுமே என்று பேசியுள்ளது தெரிகிறது.

திராவிடர் கழகம் எந்த மதத்திற்கும்[2],  இனத்திற்கும்[3] எதிரானது அல்ல:மாவட்ட தலைவர் சேகர் தலைமை வகித்து வரவேற்றார். இவர் தாக்குதல் செய்த மனுவின் மீதுதான் அனுமதி வழங்கப்பட்டது[4] நகர தலைவர் குமார் கூட்டத்தில் தி.க தலைவர் கி.வீரமணி பேசியது, “திராவிடர் கழகம் பொதுக்கூட்டம் நடத்த போலீஸ் அனுமதி மறுத்ததால் நீதிமன்ற அனுமதியோடு பொதுக்கூட்டம் நடத்தப்ப டுகிறது.   ஸ்ரீரங்கத்தில் எத்தனையோ மாநாடுகள்,  பொதுக்கூட்டங்கள் நடத்தி இருக்கிறோம்.  அப்போதெல்லாம் ஒரு சிறிய அசம்பாவித சம்பவங்களோ, கலவரமோ நடந்தது இல்லை.  திராவிடர் கழகம் எந்த மதத்திற்கும்,  இனத்திற்கும் எதிரானது அல்ல. ஜாதி ஒழிப்பு என்பது திராவிடர் கழகத்தின் தேசிய கொள்கையாகும். தந்தை பெரியார் அதற்காகதான் பாடுபட்டார். ஸ்ரீரங்கத்தில் ஜாதி பெயரில் ஓட்டல் நடத்துவதைதான் எதிர்க்கிறோம்[5].  சாதி ஒழிப்புக்காகவும்,  பெண்களின் உரிமைகளுக்காகவும் திராவிடர் கழகம் பல போராட்டங்களை நடத்தி இருக்கிறது.  ஆனால் வன்முறையில் இறங்கியது இல்லை.” [இதற்கான விமர்சத்தை அந்தந்த வரிக்கு, அடிக்குறிப்பில் கொடுக்கப்பட்டுள்ளது].

தினத்தந்தி மற்றும் தினகரன் நாளிதழ்களில் வெளியான செய்திகள் இவை: தொடர்ந்து வீரமணி பேசியதாவது, “இதன் உண்மை நிலையை விளக்கத்தான் இந்த பொதுக்கூட்டம்.  மனுதர்மம் அரசியல் சட்டபூர்வமாக அங்கீகரிக்கப் படவில்லை[6]. விஞ்ஞான பூர்வமாக சமுதாயம் வளரவேண்டும். அரசியல்சட்டத்தில் உள்ள உரிமைகள் எவ்வளவு முக்கியமோ, அதைவிட முக்கியம் கடமை.  எனவேதான் ஜாதி பெயர் ஒழிப்பை கடமையாக எடுத்து செயல் படுகிறோம்[7].  எனவே இந்த இயக்கத்தோடு மோதிப் பார்க்க வேண்டும் என்று யாரும் நினைக்க வேண்டாம்[8].  அப்படி நினைத்தால் நாடே சிறைச்சாலையாக மாறும்.  மனுதர்ம சாஸ்திரங்களை அரசியல் சட்டம் அங்கீகரிக்ககூடாது[9].  இது திராவிடர் கழகத்திற்கு மட்டுமான பிரச்சினை அல்ல.  நாங்கள் எழுப்புவது முழக்கம் அல்ல[10].  இதற்காக எவ்வித போராட்டம்,  எத்தனை ஆண்டுகள் வேண்டுமானாலும் நடத்தவும் தயார்[11].  இது குறித்து வரும் டிசம்பர்  1ம் தேதி மத்திய செயற்குழுவில் முடிவு எடுக்கப்படும்”,  இவ்வாறு அவர் பேசினார்.  கூட்டத்தில் மாநிலத்துணை தலைவர் கலி.பூங்குன்றன், பொது செயலாளர் துரை சந்திரசேகர், ஜெயகுமார், அமைப்பு செயலாளர் ஒரத்தநாடு குணசேகர், தலைமைகழக பேச்சாளர் அன்பழகன் உள்ளிட்டோர் கலந்து கொண் டனர். நகர செயலாளர் மோகன்தாஸ் நன்றி கூறினார்.

திராவிடர் கழகம் பொதுக்கூட்டம் நடத்த போலீஸ் அனுமதி மறுத்ததால் நீதிமன்ற அனுமதியோடு பொதுக்கூட்டம் நடத்தப் படுகிறது: அப்படியென்ன பிரச்சினை என்று தெரியவில்லையே? “ஸ்ரீரங்கத்தில் எத்தனையோ மாநாடுகள்,  பொதுக் கூட்டங்கள் நடத்தி இருக்கிறோம் ” என்றால், இப்பொழுது மட்டும் என்ன பிரச்சினை வந்துள்ளது? வேண்டுமென்றே, கோவிலின் கோபுரத்தின் முன்பாக பெரியார் சிலையை வைத்து, பிரச்சினையைக் கிளப்பியதே இந்ஹ திக தானா? ஏனெனில், இதேபோல, வேறெங்கும், குறிப்பாக சர்ச் மற்ரும் மாஸ்க்/மசூதி முன்பாக அப்படி சிலையை வைத்து தமது 100% நாத்திகத்தை நிரூபிக்கவில்லை. ஆகவே, இவர்களது நாத்திகம் “இந்துவிரோத” நாத்திகம் என்று எல்லோருக்கும் தெரிந்து விட்டது. அதனால் தான், முஸ்லீம்களும், கிருத்துவர்களும் தாராளமாக, இந்த காபிர்[12] / ஜென்டைல்[13] கூட்டத்தோடு சேர்ந்து கொண்டு இந்துக்களை இழிவு படுத்தி வருகிறார்கள்.

மனுதர்மம் அரசியல் சட்டபூர்வமாக அங்கீகரிக்கப் படவில்லை  –  மனுதர்ம சாஸ்திரங்களை அரசியல் சட்டம் அங்கீகரிக்க கூடாது: இப்படி முன்னுக்கு முரணாக வீரமணி ஏன் பேச வேண்டும்? அம்பேத்கரால் இயற்றப்பட்ட “அரசியல் நிர்ணயச் சட்டத்தின்”படிதான், இந்தியாவில் சட்டப்பூர்வமாக நடந்து வருகிறது என்று எல்லோருக்கும் தெரிந்த விஷயம். பிறகு வீரமணிக்கு என்ன சந்தேகம் என்று தெரியவில்லை. அரசியல் நிர்ணயச் சட்டத்தைத் திருத்த வேண்டுமா – அல்லது அத்தகைய முயற்சிகள் நடக்கின்றனவா – ஒருவேளை, ரகசியமாக விஷயம் இவருக்கு மட்டும் தான் தெரியும் போலிருக்கிறது. “உள்ள சூத்திர ஆட்சியைக் காப்போம்” என்று சென்னை முழுக்க சுவரொட்டிகள் ஒட்டியபோது, யார் “சூத்திரர்களை” நினைவு படுத்தியது? கருணாநிதியா, வீரமணியா யார்? பிறகு ஏன் “சூத்திரப்பெயரை” ஆதரித்து, “பிராமணப்பெயரை” எதிர்க்க வேண்டும்?

ஜாதி பெயர் ஒழிப்பை கடமையாக எடுத்து செயல் படுகிறோம்:வீரமணி, “ஜாதி பெயர் ஒழிப்பை கடமையாக எடுத்து செயல்படுகிறோம்”, என்று கூறுவது வேடிக்கையாக இருக்கிறது, அப்படியென்றால், சாதிகளை ஒழிப்பதில்லை என்ற உண்மையை ஒப்புக் கொள்கிறார்.

  • சென்னையில் “(ரெட்டி) தெரு” (ஆவிச்சி பள்ளி அருகில் உள்ளது) என்று ரெட்டியை பிராகெட்டில் போட்டு தமது எதிர்ப்பைத் தெரிவித்துள்ளார்கள்!
  • “நாயர் தெருவுக்கு” (ரோஹினி இன்டர்நேஷனல் ஹோட்டல் அருகில்) பிராகெட் போடாமல் எதிர்ப்பைத் தெரிவித்துள்ளார்கள்!
  • “நாயுடு ஹாலில்” (பாண்டி பஜார்) ஜொல்லு விட்டுக் கொண்டு, பெண்டு-பிள்ளைகளுடன் மார்கெட் செய்கிறார்கள்
  • “செட்டியார் ஹாலில்” (ஆழ்வா பேட்டை) பொருட்கள் வாங்குகிறாகள்.
  • “நாயர் டீ கடைகளில்” (தமிழகம் எங்கும்) டீ சாப்பிடுகிறார்கள்.
  • “வாண்டையார் லாட்ஜில்” தங்குகிறர்கள்.
  • “நாடார் மரத்தொட்டியில்” விறகு, ஓலை, மூங்கில் வாங்குகிறார்கள்.
  • “ரெட்டியார் மெஸ்ஸில்” டிபன் சாப்பிடுகிறார்கள்.
  • உள்ள ஜாதிச்சங்களைப் பற்றி கவலை இல்லை.

இப்படித்தான் இவர்கள் தங்களது ம்கத்தான கடமையினை செய்து வருகிறார்கள்.

© வேதபிரகாஷ்

07-11-2012


[2] ஆனால், தமிகத்திலேயே, இதை யாரும் நம்புவதில்லை. இந்துமதவிரோத நாத்திகத்தை வைத்துக் கொண்டு, ஊரை ஏமாற்றி பிழைப்பு நடத்தும் கூட்டம் என்று தமிழர்கள் நன்றாகவே உணர்ந்துள்ளார்கள்.

[3] “இனம்” என்ற சித்தாந்தம் இப்பொழுது ஏற்றுக்கொள்ளப்படாவிட்டாலும், இன்னும் விடாப்படியாகப் ப்டித்துக் கொண்டு, காலத்தைத் தள்ளிக் கொண்டிருக்கும் இந்த திராவிடக் கூட்டங்களை, அதனால் தான் அனைத்துலக ரீதியில் கண்டுக் கொள்வதில்லை.

[5] சாதிகள் பெயரில் சங்கங்கள், கடைகள், ஓட்டல்கள், கல்யாண மண்டபங்கள் என இருந்தாலும், அவற்றையெல்லாம் விட்டுவிட்டு, இதனை எதிர்த்துப் பிழைப்பு நடந்த ஏன் திகக்கூட்டத்தினர் இறங்கியுள்ளார்கள் என்று தெரியவில்லை.

[6] இப்படி முன்னுக்கு முரணகப் பேசி-எழுதி வருவதை நன்றக கவனிக்க வேண்டும்.

[7] உண்மையிலேயே இந்த கடமை உணர்வை தமிழ் மக்கள் கண்டு-கண்டு வியந்து வருகிறார்கள். சாதியின் பெயரால் யார் அடித்துக் கொண்டு சாகிறார்கள் என்று மக்களுக்குத் தெரியாததா என்ன?

[8] இவை மிரட்டல் இல்லாமல் வேறென்ன? இப்படி யாரை மிரட்டுகிறார் என்று வெளிப்படையாக அல்லவா சொல்லவேண்டும்?

[9] மேலே சொன்னதை நினைவு கூறவும். இப்படி மாற்றி-மாற்றிப் பேசி, மக்களைக் குழப்புவதில் இவர்களுக்கு இணை இவர்கள் தாம்.

[11] ஆமாம், டிரஸ்ட் பணத்தில் இவ்வாறு பொதுகூட்டங்கள் நடத்துவதில் எந்த ஆச்சரியமும் இல்லையே. மேலும் பொறியியல் கல்லூரி முதலிவவை நடத்துவதால் கோடிகள் வந்துக் கொண்டே இருக்கின்றன. அதில் வரும் வட்டிப் பணத்தை இப்படி செலவு செய்து, விளம்பரப் படுத்துக் கொள்வதில் என்ன சித்ததந்தம் வேண்டிக் கிடக்கிறது?

[12] இஸ்லாம் மதத்தில் நம்லிக்கையில்லாதவர்கள் – அதாவது முஸ்லீம்கள் அல்லலதவர்கள் எல்லோருமே காபிர்கள் தாம்! இந்த அடிப்படையில் தான் ஜிஹாத் என்ற போர் நடத்தப் படுகிறது. தாலிபான், அல்-குவைதா, முஜாஹித்தீன், போன்ற தீவிரவாதிகள், பயங்கரவாதிகள் ஜிஹாத் போர்வையில் மக்களைக் கொன்று வருகிறார்கள்.

[13] கிருத்துவர்களுக்கும், கிருத்துவர்கள்-அல்லாதவர்களை இப்படி மோசமான பெயரில் அழைக்கிறார்கள். ஒன்று இவர்கள் கிருத்துவர்களாக மதமாற்றப் படவேண்டும் அல்லது புனிதபோரில் கொல்லப்பட வேண்டும். அப்பொழுது தான் ஏசு, மறித்தவர்களை உயிர்ப்பித்து சொர்க்கத்திற்கு அனுப்பி வைப்பார்.

பத்மா முதலியார், நாடார் மரத்தொட்டி, நாயர் டீ ஸ்டால், செட்டியார் மெஸ், முதலியார் கடை, தேவர் ஹோடல், ஐயங்கார் பேக்கரி, ஹலால் மாமிசக் கடை, பிராமணாள் கபே!

ஒக்ரோபர் 24, 2012

பத்மா முதலியார், நாடார் மரத்தொட்டி, நாயர் டீ ஸ்டால், செட்டியார் மெஸ், முதலியார் கடை, தேவர் ஹோடல், ஐயங்கார் பேக்கரி, ஹலால் மாமிசக் கடை, பிராமணாள் கபே!

ஜாதிகளை ஒழிப்போம் என்று சாதிகளைப் பெருக்கிய திராவிடத்துவ ஞானிகள்: ஜாதியில்லை என்று சொல்லிக்கொண்டு சாதிகளைப் பெருக்கிக் காட்டிப் பட்டியல்களை நீட்டிக் கொண்டிருப்பது திராவிடத்துவத்தில் தான்! இதனை திராவிடத்துவவாதிகள் மாபெரும் சாதனையென்றும் பறைச்சாற்றிக் கொண்டிருக்கிறார்கள்[1]. ஜாதிகளை ஒழிக்க அம்பேத்கார் பாடுபட்டார், ஆனால், அவர் பெயரைச் சொல்லிக் கொண்டே சாதித்துவத்தையும் வளர்த்துக் கொண்டிருக்கிறார்கள். இப்பொழுது பெரியார் பெயரை வைத்துக் கொண்டு திராவிடர் கழகம், பெரியார் திராவிடர் கழகம், தந்தை பெரியார் திராவிடர் கழகம், பெரியார் பாசறை, என்று பற்பல இயக்கங்கள் இயங்கிக் கொண்டு வருகின்றன. இவற்றில் பெரும்பாலும் ஜாதி-எதிர்ப்பு என்ற பெயரில் அப்பாவி பிராமணர்களைத் தாக்கி வருகின்றனர்.

ஜாதி-எதிர்ப்புப் போர்வையில் பிராமணர்கள் தாக்கப்படுவது: பழைய மாம்பலத்தில் அயோத்தியா மண்டபத்தின் வாசலில் இரு பிராமணர்களைத் தாக்கி, கத்தியால் வெட்டியதை நினைவில் கொள்ள வேண்டும். பூணூலை அறுக்கிறேன் என்று நூற்றுக் கணக்கான பிராமணர்கள் தாக்கப் பட்டிருக்கிறார்கள். அதில் “தி ஹிந்துவை”ச் சேர்ந்த கணபதி என்பவரும் அடக்கம். சம்பந்தமே இல்லாத ஒரு ராகவேந்திரர் மடத்தில் நுழைந்து விக்கிரங்களை உடைத்து, அசிங்கம் செய்த போது அங்கிருந்த ஒரு பிராமணர் அழுது புலம்பியதை நாளேடுகளில் பார்த்திருக்கலாம். இப்படி பிராமணர்கள் என்றாலே கிண்டல் செய்வது, அவதூறு பேசுவது, கொச்சையாக வார்த்தைகளை வீசுவது முதலியன பொது இடங்களிலிருந்து, பத்திரிக்கைகள், சினிமாக்கள், ஊடகங்களில் அதிகமாகவே இருந்து வருகின்றன. இபோழுது கூட, சின்மயி ஸ்ரீபாத என்ற தமிழ் சினிமா பாடகி அத்தகைய தாக்குதலுக்கு உள்ளாகியுள்ளார். கைது செய்யப்பட்டப் பிறகும், குற்றவாளிகள் சமரசம் செய்து கொள் என்று மிரட்டி வருகின்றனர்.

பிராமணாள்கஃபேயைத் தொடங்கிய கிருஷ்ண ஐயரும் கிருத்துவப் பிரசங்கம் செய்யும் மணி ஐயரும்: ஸ்ரீரங்கத்தில் கிருஷ்ண அய்யர் என்பவர் பிராமணாள் கஃபே என்ற ஹோட்டலை நடத்தி வருகிறார்.  ஸ்ரீரங்கத்தில் 34/24, பாவை டவர்ஸ், ஈ.வி.எஸ். ரோட் என்னும் முகவரியில் கிருஷ்ணன் என்பவர்  நடத்தி வரும் ” ஸ்ரீ கிருஷ்ணையர்  ஹோட்டல்  பாரம்பரிய பிராமணாள் கபே “என்னும் பெயரில்  6 மாதங்களாக நடைபெறுகிறது[2]. இதற்கு தந்தை பெரியார் திராவிடர் கழகத்தைச் சேர்ந்தவர்கள் பலத்த எதிர்ப்பை தெரிவித்து போராட்டங்கள் நடத்தினர் என 2012 அக்டோபர் 12ம் தேதி நக்கீரன் இதழில் செய்தி வெளியானது.  இந்த நிலையில் பெரியார் காலத்தில் அவரால் போராடி மூடப்பட்ட “பிராமணாள் கஃபே” தமிழக முதல் அமைச்சர் ஜெயலலிதா தொகுதியான ஸ்ரீரங்கத்தில் திடீரென்று முளைத்திருப்பது திராவிடர் கழகத்தில் உள்ளவர்களிடையே கொதிப்பை ஏற்படுத்தியிருக்கிறது[3] என்றும், இதனால் அந்த ஹோட்டல் பெயரை அழிக்கும் போராட்டம் தந்தை பெரியார் திராவிடர் கழகம் சார்பில் நடைபெறும் என்றும், அந்த இயக்கத்தின் தலைவர் ஆனூர் ஜெகதீசன் அறிவித்திருந்தார். ஆனால், அந்த “முரளி கபே”விற்கும் இதற்கும் சம்பந்தம் இல்லை என்று தெரிந்ததே.
பிராமணாள் ஓட்டல் பெயர் அழிப்பு போராட்டம்: தந்தை பெரியார் திராவிடர் கழகம் சனிக்கிழமை காலை 10 மணிக்கு திருவரங்கம் பேருந்து நிலையம் அருகில் “பிராமணாள் ஓட்டல் பெயர் அழிப்பு போராட்டம்” நடத்துவோம் என்று இரண்டு பக்க பிட்நோட்டீஸ் கொடுத்தது. இதன்படி இன்று (20.10.2012) காலை 10 மணிக்கு ஸ்ரீரங்கம் ராஜகோபுரம் முன்பிருந்து ஊர்வலகமாக புறப்பட்டனர் தந்தை பெரியார் திராவிடர் கழகத்தினர். இதில் போலீசாருக்கும், ஊர்வலத்தில் வந்தவர்களுக்கும் தள்ளுமுள்ளு ஏற்பட்டது. இதையடுத்து 150 பேர் கைது செய்யப்பட்டனர். இந்த போராட்டம் தொடர்ந்து நடைபெறும் என்றும், பிராமணாள் கஃபே பெயரை நீக்காமல் விடமாட்டோம் என்றும் கோவை ராமகிருஷ்ணன் கைது செய்யப்படும் முன் செய்தியாளர்களிடம் கூறினார்[4].

வர்க்கப் போராட்டமா, ஆரிய-திராவிட[5] போராட்டமா?: ஸ்ரீரங்கத்தில் ஒரு பார்ப்பனர், “பிராமணாள் உணவு விடுதி” என்ற பெயரில் ஓட்டல் நடத்தி வருவதற்கு கடும் எதிர்ப்பு கிளம்பியுள்ளது. ஆறு மாதங்களுக்கு முன்பு காவல்துறையிடம் கழக சார்பில் ஒரு பெரும் பகுதி சமுதாயத்தை ‘சூத்திரர்’ என்று இழிவுபடுத்தும் இந்த ‘பிராமணாள்’ பெயரை அகற்ற வேண்டும் என்று புகார் தரப்பட்டது. ஆனாலும், ஓட்டல் நடத்தும் பார்ப்பனர், தனக்கு ஆர்.எஸ்.எஸ்., இந்து முன்னணி, இந்து மக்கள் கட்சி போன்ற அமைப்புகள் ஆதரவாக இருப்பதாக ஆணவத்துடன் பேசி வருகிறார். முதலமைச்சர் ஜெயலலிதாவின் தொகுதியாக இருப்பதால் முதல்வர் பார்ப்பனர் என்ற அடிப்படையில் தமக்கு அரசு அதிகாரத்தின் ஆதரவு இருக்கும் என்ற இறுமாப்பில், ‘பிராமணாள்’பெயர்ப் பலகையை அகற்ற முடியாது என்று பிடிவாதம் பிடிக்கிறார். ‘தேவர்’, ‘நாயுடு’ என்ற பெயரில் ஓட்டல்கள், வணிக நிறுவனங்கள் இருப்பதை இந்தப் பார்ப்பனர் சுட்டிக் காட்டுகிறார்[6]. இவை சாதிப் பெயர்கள்; இந்தப் பெயர்களுக்கும் தடைப் போட வேண்டும் என்பதே நமது கருத்து. பெரியார் நூற்றாண்டு விழாவின்போது முதல்வர் எம்.ஜி.ஆர். ஆட்சிக் காலத்தில் சாலைகளுக்கு இருந்த சாதிப் பெயர்களை முழுமையாக அரசு ஆணையின் பேரில் நீக்கப் பட்டதை நினைவுபடுத்துகிறோம்.

வர்ணத்தை ஆதரித்த காந்தியும், ஜாதிகளை எதிர்த்த பெரியாரும், சாதிகளை பெருக்கி வளர்க்கும் திராவிடர்களும்: வர்ணம் என்பது மனுஸ்மிருதியில் சொல்லப்பட்டது, மஹாத்மா காந்தி ஆதரித்தது. ஆனால், முதலியார், செட்டியார், நாயக்கர், நாயர் என்று சாதிகளை தங்களது தலைவர்களுடன் அடையாளம் காட்டிக் கொண்டு அரசியலில் லாபத்தை ஈட்டியது திராவிடக் கட்சிகள். “அண்ணாதுரை முதலியார்” என்று போஸ்டர்களை ஒட்டியதை திராவிடர்கள் இப்பொழுது மறந்திருக்கலாம். இருப்பினும் அவர்கள் வாதிப்பது இவ்வாறாக உள்ளது, “ஆனால், இப்பொழுதோ, ‘பிராமணாள்’ என்பது ஒரு குறிப்பிட்ட சாதிப் பிரிவினரைக் குறிக்கும் சொல் அல்ல. மாறாக, ‘மனு சாஸ்திரம்’ கூறும் நான்கு வர்ணப் பிரிவில் மேலானவர்கள் ‘பிரம்மா’வால் படைக்கப்பட்டவர்கள் என்று கூறப்படும் ‘பிராமணர்’ என்ற பிரிவை அங்கீகரிக்கும் சொல். இந்தப் ‘பெருமை’யை ‘பிராமணர்கள்’ கூறிக் கொண்டால், அதனால் மற்றவர்களுக்கு என்ன சங்கடம் என்ற கேள்வி எழக்கூடும். ஒருவன் தன்னை “பிராமணன்” என்று அடையாளப்படுத்துவதன் வழியாக ஏனைய பெரும் பகுதி உழைக்கும் மக்களை “சூத்திரர்கள்” என்று அறிவிக்கிறார்கள் என்பதுதான், இதில் அடங்கியுள்ள முக்கியப் பிரச்சினை. “வறுமைக் கோட்டுக்குக் கீழானவர்கள்” என்று அரசு, ஒரு புள்ளி விவரம் எடுக்கிறது என்றால், வறுமைக் கோட்டுக்கு மேலானவர்கள் இருக்கிறார்கள் என்பது எப்படி அர்த்தமாகிறதோ அதே போன்றுதான் இதுவும். அரசு கூட மக்கள் தொகையை சாதி வாரியாகக் கணக்கிடுகிறது. அது வேறு. ஆனால், அரசாங்கமே ‘பிராமணர்’, ‘சூத்திரர்’ என்ற வர்ணத்தின் அடிப்படையில் கணக்கிடுவது இல்லை. காரணம், ‘பிராமணன்’, ‘சூத்திரன்’ என்ற வர்ண பேதம் பெரும்பான்மை மக்களான சூத்திரர்களை “பார்ப்பனர்களின் தேவடியாள் மக்கள்” என்று பறைசாற்றுகிறது“.

மனுவைத் திரித்துக் கூறும் திராவிட சித்தாந்திகள்[7]: திராவிட சித்தாந்திகள் இக்காலத்திலும், இப்படி மனுவைத் திரித்துக் கூறி விளக்கம் அளித்து துவேஷத்தை வளர்த்துக் கொண்டிருக்கிறார்கள். ‘மனு சாஸ்திரம்’ என்ன கூறுகிறது?

  • “அந்த பிரம்மாவானவர் இந்த உலகத்தைக் காப்பாற்றுவதற்காக தன் முகம், தோள், தொடை, பாதம் இவைகளிலிருந்து உண்டான பிராமண, ஷத்திரிய, வைசிய, சூத்திர வர்ணத்தாருக்கு இம்மைக்கும் மறுமைக்கும் உரிய உபயோகமான கருமங்களைத் (செயல்களை) தனித்தனியாகப் பகுத்தார். (அத்தியாயம் 1; சுலோகம் 85). [இப்படி குறிப்பிட்டிருந்தாலும் அவ்வாறில்லை என்பது வேடிக்கை – இந்த சுலோகத்தில் கிரேத, திரேத, துவாபர மற்றும் கலி யுகங்களில் என்ன கடமைகளை செய்ய வேண்டும் என்று கூறுகிறது[8]. குணங்கள் எப்படி மாறுபடும் என்று கூறுகிறது[9].]
  • பிராமனன் முதல் வர்ணத்தான் ஆனதாலும் பிரம்மாவின் உயர்ந்த இடத்தில் (முகத்தில்) பிறந்ததானாலும் இந்த உலகத்தில் உண்டாயிருக்கிற சகல வருணத்தாருடைய பொருள்களையும் தானம் வாங்க அவனே பிரபுவாகிறான். (மனு. அத்தியாயம் 1 – சுலோகம் 100). [பிரம்மா முதலில் பிராமணர்களைப் படைத்ததால் உலகத்தில் உள்ளவற்றை அவர்கள் பெறத் தகுதியானவர்கள் ஆகிறார்கள்.[10] பிறகு சத்திரியர், வைசியர், சூத்திரர் படைக்கப் பட்டவுடன் அவர்களும் அவற்றைப் பெறத் தகுதியானவர்கள் ஆகிறார்கள்].

மனு தர்ம அடிப்படையில், ‘பிராமணாள் கபே’ என்று ஒரு ஓட்டலுக்கு பெயர் சூட்டப்படுகிறது என்றால், அதன் பொருள் – ஓட்டல் நடத்தும் அந்த உரிமையாளன், ‘நான் பிரம்மாவின் முகத்திலிருந்து பிறந்தவன். இந்த ஓட்டலுக்கு வந்து காசு கொடுத்து சாப்பிட்டாலும் பிராமணரல்லாதவர்கள் என்றால், அவர்கள், எனது பார்வையில் ‘சூத்திரர்’கள் எனது அடிமைகள்.

இல்லாத அத்தியாயத்திலிருந்து திரித்துக் கூறுவது: மனுதர்மத்தின் 18வது அத்தியாயம் 122வது சுலோகத்தின்படி என்னுடைய ஓட்டலுக்கு காசு கொடுத்து சாப்பிட வரும் சூத்திரர்கள், நான் ஏற்றுள்ள தர்மப்படி என்னை வணங்க வேண்டியவர்கள். அதே சுலோகத்தின்படி எனது ஓட்டலுக்கு சாப்பிட வருவதே அவர்களுக்கு கிடைத்த பெரும் பாக்கியம். [மனு ஸ்மிருதியில் இருப்பதே 12 அத்தியாயங்கள் தாம், அப்படியிருக்கும் போது 18ம் அத்தியாயம் எப்படி வருகிறது என்று தெரியவில்லை[11]].

நான் ‘பிராமணரல்லாத’ கீழ் வர்ணக்காரர்களான சூத்திரர்களை மனுதர்மம் அத்தியாம் 8 – சுலோகம் 122-ன்படி கீழ்க்கண்டவாறுஅறிவிக்கிறேன்.

• போரில் புறமுதுகிட்டு ஓடிவந்த கோழை.

• இவன் என்னிடம் பக்தி கொண்டு தொண்டு செய்ய வேண்டியவன்.

• இவன் எனது விபச்சாரியின் மகன்.

• இவன் என்னால் விலைக்கு வாங்கப்பட்டவன்.

• இவன் தலை தலைமுறையாக எனது அடிமையாக இருந்து வருகிறவன்.

இதைத்தான் திருவரங்கத்தில் ஓட்டல் நடத்தும் பார்ப்பனர், தனது விளம்பரப் பலகையில் பொறித்து வைத்துள்ளார்.

வாடிக்கையாளர்கள் விற்பனைக்காக வசதிக்காக நடத்தப்படுகிற ஒரு வர்த்தக நிறுவனம் தன்னிடம் வாடிக்கையாளர்களாக சாப்பிட வருகிற பெரும்பான்மை மக்களையும் சமுதாயத்தில் உழைக்கும் பெரும்பான்மை மக்களையும்

ஏ, தேவடியாள் மகனே!

ஏ, அடிமையே!

ஏ, புறமுதுகிட்டு ஓடிய கோழையே!

ஏ, என்னை அண்டி வாழக்கூடிய இழிப் பிறவியே!

வா, வா, வந்து காசு கொடுத்துவிட்டு சாப்பிட்டுப் போ” என்று பகிரங்கமாக அறைகூவல் விடுப்பதை பக்தித் தமிழர்களே, நீங்கள் ஏற்றுக் கொள்கிறீர்களா? ஆர்.எஸ்.எஸ். இந்து முன்னணி, பா.ஜ.கவிலுள்ள பார்ப்பனரல்லாத தமிழர்களே, இந்த கீழ்மையை சிறுமையை அவமானத்தை அங்கீகரிக்கிறீர்களா?

இது நாத்திக-ஆத்திகப் பிரச்சினையல்ல;

இது இந்துமத எதிர்ப்புப் பிரச்சினையுமல்ல;

நீ, மானமுள்ள, சூடு, சொரணையுள்ள மனிதனாக இருக்கிறாயா என்பதை சோதனைக்குள்ளாக்கும் பிரச்சினை!

ஆமாம், நான் ‘சூத்திரன்’ என்று பச்சை குத்திக் கொள்ளப் போகிறீர்களா?
மானமுள்ள மனிதன் என்று போர்க்கொடி உயர்த்தப் போகிறீர்களா? “கீற்றில்” இதை அப்படியே போட்டிருப்பதும் வேடிக்கைத்தான்[12]. இப்படி “திராவிடர்கள்” தான் கலாட்டா செய்கிறார்கள் என்றால், கிருத்துவர்களும் உள்ளே நுழைந்துள்ளனர். தெய்வநாயகம் என்ற கிருத்துவர் “பிரமணாள் கபே இப்பொழுது திறக்கப்பட்டிருப்பது ஏன்?” என்ற தலைப்பில் ஆறுப்பக்க வண்ண பிட்நோட்டீஸ் விநியோகம் செய்துள்ளார்.

கிருத்துவர்களுக்கு திருவரங்கத்தில் என்ன வேலை?: “திராவிடர்கள்” என்று சொல்லிக் கொண்டு, “பெரியார்” பெயரை உபயோகப்படுத்திக் கொண்டு, வைகோக் கட்சிக் கொடியை தலைகீழாக வைத்துக் கொண்டு கலாட்டா செய்யும் வேலையில், இந்து சாமியார் போல அல்லது நித்யானந்தா போல, தெய்வநாயகம் என்ற குழப்பவாதி, கிருத்துவ வெறியன், இந்த குட்டையில் மீன் பிடிக்க வந்துள்ளது வியப்பாக உள்ளது. “பிரமணாள் கபே இப்பொழுது திறக்கப்பட்டிருப்பது ஏன்?” என்ற தலைப்பில் ஆறுப்பக்க வண்ண பிட்நோட்டீஸ் விநியோகம் செய்துள்ளார். இப்படி தருணம் வரும் என்று முன்னமே அச்சிட்டு தயாராக வைத்திருக்கிறார் போலும்! கிருத்துவ பிஷப்புகள், பாதிரிகள், பாஸ்டர்கள் என ஆயிரக்கணக்கானவர்கள் கன்னியாஸ்திரீக்களையும், சிறுமிகள், சிறுவர்களை பாலியல் ரீதியில், வன்புணர்ச்சியில் ஈடுபடுத்தி, குரூரமாக கொடுமைப் படுத்தி வரும் வேளையில், அவர்களை விடுத்து இந்த ஆல் எதற்கு ஸ்ரீரங்கத்தில் சுற்றி வர வேண்டும்? அந்த பிட்நோட்டீஸைப் படித்துப் பார்த்தால், அந்த “தாமஸ் கட்டுக்கதை”யை விட படு அபத்தமாக இருக்கிறது. “தமிழ்” பெயரை வைத்துக் கொண்டு இந்த ஆள் செய்யும் கலாட்டாவில் பல இந்துக்களும் ஏமாந்துள்ளனர்[13]. நக்கிரனின் “மாட்டிறைச்சி மாமி நான்” என்பதற்கும் இதற்கும் சம்பந்தம் உள்ளது என்று தெரிகிறது[14].

வேதபிரகாஷ்

24-10-2012


[1] நேற்றுக் கூட 23-10-2012, அண்ணாதுரை ஆட்சிக்காலத்தில் இருந்த முன்னாள் சட்டமந்திரி, ஒரு டிவி செனலில் கேள்வி கேட்டபோது, பெருமையாக விளக்கம் கொடுத்துக் கொண்டிருந்தார்.

[3] பல ஆண்டுகளாக ஓட்டல் தொழிலை நடத்தி வருவதாக அவர் கூறுகிறார். ஸ்ரீ கிருஷ்ணய்யர் என்ற பெயரில் லால்குடி, காந்தி மார்க்கெட் போன்ற இடங்களில் ஓட்டல் வைத்துள்ளாராம்.

http://www.vikatan.com/juniorvikatan/Sensation/25513-pramanal-hotel-srirangam-r.html#cmt241

[5] கி. வீரமணி ஜெயலலிதா ஆட்சிற்கு வந்தபோது, “ஆரிய-திராவிட போராட்டம் தொடர்கிறது” என்று ஒரு குறும்புத்தகத்தை வெளியிட்டது நினைவு கூறவேண்டும். பிறகு ஜெயலலிதா லட்சங்களைக் கொடுத்தவுடன் அமைதியாகி விட்டார்.

[6] ரெட்டி மெஸ், முனியாண்டி விலாஸ், கோனார் மெஸ், செட்டி நாடு ஹோட்டல், நாயர் டீக்கடை, நாடார் மரத்தொட்டி, தேவர் ஹோட்டல், ஆச்சி மசாலா முதலியவை இருப்பது உண்மைதான்.

[8] A. C. Burnell, The Ordinances of Manu, Oriental Books, New Delhi, 1971, p.12

[9]  R. N. Sharma, Manusmriti (translation of M. N. Dutt – Sanskrit verses with translation), Chaukhamba Sanskrit Pratishthan, New Delhi, 1998, p.30

[10] R. N. Sharma, Manusmriti (translation of M. N. Dutt – Sanskrit verses with translation), Chaukhamba Sanskrit Pratishthan, New Delhi, 1998, p.64-65.

[11] இப்படி இவர்களாகவே எதையாவது மொழிபெயர்த்துக் கொண்டு அல்லது மற்றவர்கள் சொல்லியதைக் கேட்டுக் கொண்டு இப்படி திரித்து எழுதி வருவது வழக்கமாகவே இருந்து வருகிறது.

[13] “உடையும் இந்தியா” என்ற புத்தகத்தில் தேவையில்லாமல், இந்த ஆளுக்கு முக்கியத்துவம் கொடுத்து, இந்துக்கள் எழுதியிருப்பது ஒரு தகவல். அது மட்டுமல்லாது, முன்பு, தருமபுர ஆதீனத்தில் இந்த ஆளுக்கு கூட்டத்தை நடத்தி, அதில் இவர் சொன்னதெல்லாம் தவறு என்று எடுத்துக் காட்டியப்பிறகுக் கூட, அருணை வடிவேலு முதலியார் மறுப்பு நூல் எழுதிய பிறகும் கூட, சில சைவர்கள் இவருக்கு ஆதரவு தெரிவித்து வருவது வேடிக்கையாக இருக்கிறது.

[14]முதலமைச்சர் ஜெயலலிதா, மாட்டுக்கறி சாப்பிட்டார் என்று ‘நக்கீரன்’ இதழில் வெளியான செய்திக்காக சென்னை உள்ளிட்ட பல்வேறு பகுதிகளில் ‘நக்கீரனுக்கு’ எதிராக ஆளும் கட்சியைச் சார்ந்தவர்கள் சட்டத்தை தங்கள் கைகளில் எடுத்துக் கொண்டு வன்முறையில் இறங்கியிருப்பது வன்மையான கண்டனத்துக்குரியது. இந்தத் தாக்குதல் ‘நக்கீரனுக்கு’ எதிரானதாக மட்டும் நாம் கருதவில்லை. ‘மாட்டுக்கறி’ சாப்பிடும் கோடானுகோடி மக்கள் மீது நடத்தப்படும் தாக்குதல் என்றே நாம் கருத வேண்டியிருக்கிறது.

http://www.periyarthalam.com/2012/01/13/%E0%AE%9C%E0%AF%86-%E0%AE%AE%E0%AE%BE%E0%AE%9F%E0%AF%8D%E0%AE%9F%E0%AE%BF%E0%AE%B1%E0%AF%88%E0%AE%9A%E0%AF%8D%E0%AE%9A%E0%AE%BF-%E0%AE%9A%E0%AE%BE%E0%AE%AA%E0%AF%8D%E0%AE%AA/

அமைச்சர்கள் முன்பே காவலதிகாரி இறப்பது!

ஜனவரி 9, 2010

அமைச்சர்கள் முன்பே காவலதிகாரி இறப்பது!

நடுரோட்டில் உதவி ஆய்வாளர் உயிருக்குப் போராட்டம் – வேடிக்கை பார்த்த அமைச்சர்கள் –

நேற்று முன்தினம் ஆழ்வார்குறிச்சி உதவி ஆய்வாளர் வெற்றிவேல் சில மர்ம நபர்களால் கொலை செய்யப் பட்டார். அவர் வெட்டுப் பட்டு நடு ரோட்டில் கிடந்தபோது தமிழக சுகாதாரத் துறை அமைச்சர் பன்னீர் செல்வம் , விளையாட்டு துறை அமைச்சர் மைதீன் கான் மற்றும் திருநெல்வேலி மாவட்ட ஆட்சியர் ஜெயராமன் ஆகியோர் அந்த வழியே வந்தனர் . அவர்களைக் கண்டதும் கொலையாளிகள் தப்பி ஓடி விட்டனர் .

திருநெல்வேலி மாவட்டம், ஆழ்வார்குறிச்சி எஸ்.ஐ., வெற்றிவேல்(43), நேற்று முன்தினம் ஆம்பூர் அருகே ஒரு கும்பலால் அரிவாளால் வெட்டியும், வெடிகுண்டுகள் வீசியும் கொலை செய்யப்பட்டார். சுகாதாரத் துறை அமைச்சர் பன்னீர்செல்வம், சுற்றுச்சூழல் அமைச்சர் மைதீன்கான் ஆகியோர் அம்பாசமுத்திரத்தில் இருந்து தென்காசி செல்லும் வழியில் ஆம்பூர் அருகே இந்த கோர சம்பவம் நடந்தது. அமைச்சர்களுடன் பாதுகாப்பிற்கு சென்ற போலீசார் குற்றவாளிகளை துரத்திச்சென்று துப்பாக்கிச் சூடு நடத்தியும் அவர்கள் தப்பிவிட்டனர். எஸ்.ஐ., வெற்றிவேல் வெட்டுக்காயங்களுடன் நடுரோட்டில் உயிருக்கு போராடிக் கொண்டிருந்தார். ஆனால் அமைச்சர்கள், கலெக்டர் ஜெயராமன், சுகாதார உயர் அதிகாரிகளுடன் அத்தனை வாகனங்கள் இருந்தும், 108 வாகனம் வருவதற்காக காத்திருந்தனர். வெட்டுப்பட்டு உயிருக்குப் போராடிக் கொண்டு இருந்த வெற்றிவேலை அமைச்சர்கள் உள்ளிட்ட அதிகாரிகள் யாரும் உடனடியாக மருத்துவமனைக்கு கொண்டு செல்ல முயற்சி செய்ய வில்லை .  சிறிது நேர தாமதத்திற்குப் பின் அமைச்சர் மைதீன் கானின் பாதுகாப்பு வேனில் ஏற்றி சென்றனர் .

தன்னை காப்பாற்றும்படி கைகளை தூக்கி வெற்றிவேல் மன்றாடினார். அமைச்சர் பன்னீர் செல்வத்தின் உதவியாளர், தண்ணீர் பாட்டிலை அவரிடம் நீட்டினார். வெற்றிவேல் கையை நீட்டவும், அவரின் ரத்தம் தன் மீது பட்டுவிடுமோ என உதவியாளர்கள் ஒதுங்கிக் கொண்டனர். நடுரோட்டில் இரண்டு முறை எழ முயற்சித்தும் முனகல் சத்தத்துடன் முடியாமல் வெற்றிவேல் வீழ்ந்தார். அவரின் உயிர் போராட்டம், பார்த்தவர்களை சங்கடப்படுத்தியது. வெற்றிவேல் பிற்பகல் 2.40 மணிக்கு வெட்டப்பட்டார். 20 நிமிடங்களுக்கு பிறகே அமைச்சர்களின் பாதுகாப்பு வாகனத்தில் அவர் கொண்டுசெல்லப்பட்டார். சிறிது தூரம் சென்றபின், எதிரே வந்த ஆம்புலன்சில் ஏற்றி அம்பாசமுத்திரம் அரசு மருத்துவமனைக்கு கொண்டு செல்லப்பட்டார்.

இந்த நிலையில், இது குறி்த்து திருநெல்வேலி மாவட்டக் கலெக்டர் ஜெயராமன் செய்தியாளர்கள்டம் கூறியதாவது:  கடந்த ஜனவரி 7 ம் தேதி அமைச்சர்களுடன் ஆய்வு பணிக்கு நான் சென்றிருந்த போது மதியம் 2.40 மணிக்கு இந்த துயர சம்பவம் நடைபெற்றது. இந்த சம்பவம் நடந்த இடத்திற்கு சில நிமிடத்தில் வந்த அமைச்சர்களும், நானும் காரில் இருந்து இறங்கிவிட்டோம். ஆனால் அங்கு, ஒரே புகைமண்டலமாக இருந்ததால், ஒரு நிமிடம் எங்களுக்கு எதுவுமே ஓடவில்லை. இந்த சம்பவத்தின் போது பொது மக்கள் யாரும் அங்கு இல்லை. நாங்கள் 6 பேர் மட்டுமே நின்றோம்.   இந்த சம்பவத்தில் சம்பவத்தில் ஈடுபட்ட 2 பேரை நான் நன்றாகவே பார்த்தேன். எங்களுடன் 6 வாகனங்கள் வந்திருந்தன. பாதுகாப்புக்கு வந்த போலீசார் ஒரு வாகனத்துடன் கொலையாளிகளை பிடிக்க சென்றனர்.

அந்த கும்பல் போலீசாரை நோக்கி நாட்டு வெடிகுண்டுகளை வீசிவிட்டு தப்பியோடினர். பாதுகாப்பு போலீசார் குற்றவாளிகளை நோக்கி 3 முறை துப்பாக்கியால் சுட்டனர். இந்த நிலையில், நாங்கள் வாகனத்தில் இருந்து இறங்கி அங்கு சப் – இன்ஸ்பெக்டர் விழுந்து கிடப்பதை பார்த்து அருகில் சென்றோம். எங்கள் கால் அருகே வெடிக்காத குண்டு கிடந்ததால், அதை கருத்தில் கெண்டு, உடன் வந்த அமைச்சர்கள் உயிரையும் கவனத்தில் கொண்டு மிகுந்த எச்சரிக்கையுடன் அடுத்த நடவடிக்கையில் ஈடுபட்டோம். வெற்றிவேலின் உடலின் இருந்து வெளியேறிய ரத்தத்தை கட்டுப்படுத்த அமைச்சருக்கும், எனக்கும் ஒரு நிகழ்ச்சியில் போர்த்தப்பட்ட சால்வையை எடுத்து கட்ட சொன்னோம்.மேலும், 108 ஆம்புலன்சுக்கு நான் தான் தகவல் கொடுத்தேன்.

ஒரு ஆம்புலன்ஸ் தென்காசியிலும், மற்றொன்று சேர்மாதேவியிலும் நின்றதால் அது வர தாமதமாகும் என எண்ணி எங்களுடன் வந்த மற்றொரு பாதுகாப்பு வாகனத்தில் சப் இன்ஸ்பெக்டர் வெற்றிவேலை ஏற்றி சிகிச்சைக்கு அனுப்பிவைத்தோம்.  அமைச்சரின் உதவியாளர், எனது டபேதார், சுகாதாரத்துறை டாக்டர் சுப்பிரமணியன் ஆகியோர் வெற்றிவேலுக்கு முதலுதவி சிகிச்சை அளித்தவாரே பாதுகாப்பு வாகனத்துடன் சென்றனர்.  உடனே நான் அம்பை அரசு ஆஸ்பத்திரிக்கு போன் செய்து டாக்டர் மற்றும் நர்சுகளை தயார் நிலையில் இருக்க அறிவுறுத்தியுள்ளேன். அம்பையில் முதலுதவி சிகிச்சைக்கு பின் பாளை அரசு ஆஸ்பத்திரிக்கு கொண்டு சென்றபோதும் இதுபோன்று துரித நடவடிக்கை எடுக்கப்பட்டது. துரிதமாக செயல்பட்டு வெற்றிவேலை காப்பாற்ற தீவிரமாக போராடினோம். இதில் காலதாமதம் எதுவும் செய்யவில்லை.  கொலை செய்யப்பட்ட சப் இன்ஸ்பெக்டர் குடும்பத்திற்கு தேவையான உதவிகளை அரசு மூலம் மாவட்ட போலீஸ் சூப்பிரண்டு நடவடிக்கை எடுத்துள்ளார் என்றார். தமிழக அமைச்சர்கள் மீது குற்றச்சாட்டு வந்துவிடக் கூடாது எனறு கருதியே மாவட்டக் கலெக்டர் இவ்வாறு கூறியதாக எதிர்க்கட்சிகள் குற்றம்சாட்டுகின்றன.  இந்த கொலை சம்பவத்தில் முறையான விசாரணை தேவை என்று தேமுதிக வலியுறுத்தி உள்ளது.


A TV Grab shows R Vetrivel lying on the road begging for help after the 44-year-old's leg have been chopped off by gangsters. PTI/NDTV

சட்டசபையில் அமைச்சர் விளக்கம்: இந்த சர்ச்சை இன்று தமிழக சட்டசபையிலும் எதிரொலித்தது. அதிமுக உறுப்பினர் பி.கே.சேகர் பாபு இன்று ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதத்தில் கலந்து கொண்டு பேசினார். அப்போது அவர், இந்த ஆட்சியில் கொலை, கொள்ளை அதிகமாகி விட்டது. சென்னை கொலை நகரமாக மாறுகிறது. பல்வேறு மர்மங்களை போலீசாரால் கண்டு பிடிக்க முடியவில்லை.  நெல்லை அருகே சப்- இன்ஸ்பெக்டர் வெற்றிவேல் கொலை செய்யப்பட்டார். அவர் குற்றுயிரும், குலையிருமாக கிடந்தபோது அமைச்சர்கள் அங்கு இருந்து இருக்கிறார்கள். ஆனால் உடனே ஆம்புலன்சில் ஏற்றி அனுப்பி வைக்கவில்லை என்றார்.  அப்போது குறுக்கிட்ட சுகாதாரத் துறை அமைச்சர் எம்.ஆர்.கே.பன்னீர் செல்வம் கூறுகையில், உறுப்பினர் சொல்வது தவறான தகவல். நான், அமைச்சர் மைதீன்கான், மாவட்ட ஆட்சி தலைவர் ஆகியோர் அங்கு வந்தோம்.  உடனே தொலைபேசியில் தொடர்பு கொண்டு 108 எண் ஆம்புலன்சை அழைத்தோம். அது தென்காசியில் இருப்பதாக சொன்னார்கள். உடனே காலதாமதம் இல்லாமல் அங்கிருந்த பாதுகாப்பு போலீஸ் வாகனத்தில் அவரை ஏற்றி ஒரு மருத்துவரையும் அனுப்பி வைத்தோம் என்றார்.

10 நிமிடமே தாமதம்- கலெக்டர்: இதுகுறித்து மாவட்ட ஆட்சித் தலைவர் ஜெயராமன் செய்தியாளர்களிடம் இன்று பேசுகையில், சப் இன்ஸ்பெக்டர் வெற்றிவேல் வெட்டப்பட்டும், வெடிகுண்டு வீசப்பட்டும் காயமடைந்த நிலையில் இருந்த ஒரு நிமிடம் கழித்துத்தான் அந்த இடத்திற்கு அமைச்சர்களின் கார்கள் வந்தன.  எஸ்.ஐ., படுகாயமடைந்த நிலையில் இருந்தார். அவர் விபத்தில் காயமடையவில்லை, வெடிகுண்டு வீசியும், அரிவாளால் வெட்டப்பட்டும் காயமடைந்து கிடந்தார். அவர் அருகே வெடிக்காத சில குண்டுகளும் கிடந்தன. அருகில் கிடந்த குண்டுகள் வெடிக்கலாம் என்ற அச்சம் இருந்ததால் யாரும் அருகில் போக தயங்கினர். நாங்கள் சென்ற போது அப்பகுதியில் லேசான புகை மண்டலமும் இருந்தது. இதனால் தான் எங்களால் அவர் அருகில் உடனே சென்று உதவ முடியவில்லை.  மேலும், புதர்களுக்குள் பதுங்கியிருந்த கொலையாளிகள், வெடிகுண்டுகளை வீசித் தாக்கலாம் என்ற தயக்கத்தாலும் உடனடியாக அருகில் போக முடியவில்லை.  மேலும், அமைச்சரின் பாதுகாப்புக்கு வந்த போலீஸாரில் பலர் கொலையாளிகளை ‌விரட்டிச் சென்ற நிலையில் எஞ்சியிருந்தவர்கள் தான் உதவிக்கு வந்தனர்.  கொலையாளிகள் தாக்குதல் நடத்தி விடக் கூடாது என்பதற்காக போலீஸார் 3 முறை வானத்தை நோக்கி துப்பாக்கியால் சுட்டனர். காயமடைந்திருந்த சப் இன்ஸ்பெக்டரை காப்பாற்றுவற்காக ஆம்புலன்ஸுக்கு அழைப்பு விடுக்கப்பட்டிருந்தது. ஆனால் ஆம்புலன்ஸ் வரத் தாமதமானதால் போலீஸ் வாகனத்தில் சப் இன்ஸ்பெக்டரை ஏற்றி அனுப்பி வைத்தோம்.  மொத்தத்தில் 10 நிமிடங்கள் மட்டுமே தாமதமானது என்றார்.

விமர்சனம்:

1. ஐந்தாண்டுகளுக்கு முன்பு, மகாபலிபுரம் ரோடில், ஒரு மாருதி கார் விபத்தில் சிக்கி, உள்ளேயிருப்பவர்கள் தூக்கியெரியப்படுகின்றனர். ஒரு பெண்மணி ரோடில் கிடப்பது வீடியோ காட்டுகிறது. அந்த பெண் தனது தலையை நான்கைந்து முறை தூக்கி, மறுபடி-ம்மறுபடி கீழே விழுகிறது. பிறகு அடங்கிவிடுகின்றது.

2. அப்பொழுதும், அந்த வீடியோகாரர் அப்படி படம் எடுக்கும் நேரத்தில் அப்பெண்மணியை ஆஸ்பத்திரிக்கு கொண்டு சென்றிருந்தால், அவர் பிழைத்திருக்கக்கூடும் என்று சுட்டிக்காட்டினர். ஆனால், வீடியோகாரருக்கு, ஒரு அசாதாரணமான நிகழ்வை ப்டம் பிடிக்க சந்தர்ப்பன் கிடைத்ததே என்றிருந்தாரே தவிர, ஒரு உயிர் ஊசலாடுகிறதே என்று கவலைப்படவில்லை.

3. இங்கும், புகை குண்டு வெடிப்பு முதலியவற்றைப் பார்த்தவுடன் என்கு தாமும் அதில் மாட்டிக் கொள்வோமே என்று பயந்து நின்று விட்டனர் என்பது அவர்கள் பேசுவதிலிருந்தே தெரிகின்றது.  ஆகவே, இவர்கள் எல்லாம் மற்றவர்களக் காப்பார்கள் என்று நினைப்பது, மடத்தனம்.

4. நியாயம், தர்மம், மனிதாபிமானம், முதலியவற்றை மறந்தாகிவிட்டது. வன்முறை காட்சிகள் பார்த்து-பார்த்து மரத்துவிட்டது. மனம் இருகிவிட்டது.

5. குண்டுகள் வெடித்து தீவிரவாதம் நிலைத்துவிட்டது. தமிழகத்தவரும் விதவிதமான குண்டுகளைத் தயாரிக்கக் கற்றுக் கொண்டுவிட்டனர். சாராய குண்டு முன்பே திகவினர் அப்பாவி மக்கள்மீது மாம்பலத்தில் வீசினர். நாட்டு வெடிகுண்டுகள் என்று அடிக்கடி வெடிக்கின்றன. இப்பொழுது “பைப்-வெடிகுண்டு” வந்திருக்கிறது.