Posts Tagged ‘மார்பகங்கள் தெரியும்படி ஆடை அணிவது’

பள்ளிகளில் ஆசிரியைகள் பையன்களுக்கு காமத்துப்பாலைச் சொல்லிக் கொடுத்து, கூட்டிக் கொண்டு ஓடுவது, திருமணம் செய்து கொள்வது முதலியன!

ஏப்ரல் 12, 2015

பள்ளிகளில் ஆசிரியைகள் பையன்களுக்கு காமத்துப்பாலைச் சொல்லிக் கொடுத்து, கூட்டிக் கொண்டு ஓடுவது, திருமணம் செய்து கொள்வது முதலியன!

நாத்திகர்கள், இந்துமத விரோதிகள் என்ன செய்வார்கள்

நாத்திகர்கள், இந்துமத விரோதிகள் என்ன செய்வார்கள்

சமீப காலத்தில் 20-30 வயதில் இருக்கும் ஆசிரியைகள் 14-18 வயதில் இருக்கும் மாணவர்களை இழுத்துக் கொண்டு ஓடும் நிகழ்ச்சிகள் ஊடகங்களில் காணப்படுகின்றன. இவை நாகரிக சீரழிவு என்று சமாதானப்படுத்தி கொள்வதா, சமூக சீர்கேடு என்று ஒதுங்கிக்கொள்வதா, அல்லது பெண்மையின் சீர்குலைவு என்று வருத்தப்படுவதா என்று தெரியவில்லை. ஆண்-பெண் படிக்கும் காலத்தில், படிப்பைத் தவிர மற்ற விசயங்களில் கவனம் செல்கிறது, மற்றும் கற்பிக்கும் ஆசிரியை-ஆசிரியர்களே காமத்துப்பாலை போதிக்கின்றனர், பயிற்சி கொடுக்கின்றனர் என்றால், அந்நிலையை அழிவு, சீர்கேடு என்று தானே சொல்ல வேண்டியுள்ளது? மேலும் “பிடோபைல்” குற்றங்கள் ஆண்களிடம் தான் உள்ளது என்ற நிலைபோய், பெண்களிடமும் அததகைய நிலையுள்ளதா என்று கவனிக்க வேண்டியுள்ளது. இதெல்லாம் அந்நியர்களின் காமச்செயல்களாக இருந்துவரும் வேளையில் இப்பொழுது, இந்தியர்களிடம், குறிப்பாக, பெண்களிடமும் காணப்படுவது வருத்தத்திற்குரியதாகும்.

கோதை- சிவசுப்பிடரமணி-காமம், தூக்கல்

கோதை- சிவசுப்பிடரமணி-காமம், தூக்கல்

சமீபத்தைய கோதைசங்கர் விவகாரம் (மார்ச்.2015): நெல்லை மாவட்டம் கடையநல்லூர் பகுதியை சேர்ந்தவர்  சந்திரகுமார். இவர் மத்திய ரிசர்வ் போலீசில் போலீஸ்காரராக பணியாற்றி வருகிறார். இவரது மனைவி மாரியம்மாள். இவர்களது மகன் சிவசுப்பிரமணியன் (வயது 15). அங்குள்ள தனியார்  பள்ளியில் 10-ம்வகுப்பு படித்து வந்தார்.  கடந்த மார்ச் 31-ந்தேதி வீட்டை விட்டு சென்ற  சிவசுப்பிரமணியன் அதன்பிறகு வீடு திரும்பவில்லை. அவரை பல்வேறு இடங்களில் தேடியும் கிடைக்கவில்லை. இதையடுத்து  கடையநல்லூர் போலீசில் அவரது பெற்றோர் புகார் செய்தனர். சப்-இன்ஸ்பெக்டர் முத்துலட்சுமி மற்றும் போலீசார் வழக்கு பதிவு செய்து சிவசுப்பிரமணியன் எங்குசென்றார் என்று விசாரணை நடத்தி, -வரை தேடும் பணியில் ஈடுபட்டனர். அப்போது  சிவசுப்பிரமணியன் அவர் படித்து வந்த   பள்ளியில் ஆசிரியையாக வேலை பார்த்து வந்த செங்கோட்டை அருகே காலாங்கரையை சேர்ந்த கோதை (23)  என்பவருடன் ஓட்டம் பிடித்துள்ளது தெரியவந்தது[1].  10-ம்வகுப்பு படித்து வந்த சிவசுப்பிரமணியனுக்கு  ஆசிரியை கோதை பாடம் எடுத்து உள்ளார். இதனால் அவர்கள் இருவரும் பழக்கம் ஏற்பட்டது. இந்த பழக்கம் நாளடைவில் அவர்களுக்குள் காதலாக மாறியது. இதையடுத்து இருவரும்  பல்வேறு இடங்களுக்கு சென்று ஜாலியாக இருந்துள்ளனர். மாணவர்கள் இல்லாத நேரம் வகுப்பறையிலேயே இருவரும் காதல் லீலையில் ஈடுபட்டுள்ளனர்.  புகைப்படங்கள் வேறு எடுத்துக் கொண்டுள்ளனர். இதனிடையே தங்களது காதல் விவகாரம் பெற்றோருக்கு தெரிந்தால்  பிரித்து விடுவார்களோ என்று எண்ணிய அவர்கள் இருவரும் வெளியூர் செல்ல முடிவு செய்தனர். அதன்படி  கடந்த 31-ந்தேதி இருவரும் வீட்டிற்கு தெரியாமல் வெளியூருக்கு ஓட்டம் பிடித்தனர். போகும் போது சிவசுப்பிரமணியன் தனது வீட்டில் இருந்த ரூ.12 லட்சம் மதிப்புள்ள  60  பவுன் நகையையும் எடுத்து சென்று உள்ளார். தந்தையின் வங்கிக்கணக்கில் இருந்து பணத்தையும் எடுத்துள்ளான்[2].

கோதை-மணி காமம்

கோதை-மணி காமம்

கடந்த ஆண்டுகளில் நடந்த அத்தகைய ஓட்டங்கள்: இணைதளத்தில் தேடியபோது, கடந்த ஆண்டுகளிலேயே அத்தகைய ஓட்டங்கள் தமிழகம் மட்டுமல்லாது, இந்தியா முழுவதும் நடந்துள்ளது தெரிகிறது. சில உதாரணங்கள் கொடுக்கப்படுகின்றன:

ஆசிரியை பையனைக் கடத்தல்

ஆசிரியை பையனைக் கடத்தல்

மார்ச்.2014: 25 வயதான அஞ்சலி சிங் ஆங்கில ஆசிரியை 16 வயது பையனுடன் மும்பையிலிருந்து ஓடிவந்தபோது, அவளை பெங்களூரில் சிறுபையனை கடத்திக் கொண்டு வந்த குற்றத்திற்காக போலீஸார் மார்ச்.9, 2014 அன்று கைது செய்யதனர்[3].  பேஸ்புக்கில் இருந்த விவரங்களும் அவர்களைக் காட்டிக் கொடுத்தன[4]. மேலும் அந்த ஆசிரியை பையன் சிறுவனாக / மைனர் இருக்கிறான், மேஜராகியவுடன் / 18 வயதானதும், நான் அவனை திருமணம் செய்து கொள்கிறேன் என்றாள்[5].

மே.2013: அஹமதாபாதில் 45 வயது ஆசிரியை 16 வயது பையனோடு ஓட்டம். இவளுக்கு ஏற்கெனவே இருமுறை திருமணம் ஆகி, விவாகரத்து ஆகியுள்ளது[6].

ஏப்ரல்.2012: 35 வயதான குமுது என்ற ஆசிரியை சென்னையில் உள்ள ஒரு தனியார் பள்ளியில் படிக்கும் 11ம் வகுப்பு பையனுடன் குர்காவுக்கு ஓடிவிட்டாள். குமுதுக்கு கல்யாணம் ஆகி 8வயதில் பையன் இருக்கிறான், ஆனால், கணவனைப் பிரிந்து வாழ்நாதாள்.  போலீஸார் குர்காவில் அவளை கைது செய்தனர்[7].

டிசம்பர்.2011: 20 வயதில் உள்ள இரண்டு பள்ளி ஆசிரியைகள் இரண்டு எட்டாம் வகுப்பு பைன்களை விஜயவாடாவில் ரகசியமான இடத்திற்குக் கொண்டு சென்று கல்யாணம் செய்து கொண்டுள்ளனர்[8].

பிப்ரவரி.2010: ஆந்திராவிலோ, இன்னொரு ஆசிரியை புரட்சியே செய்துள்ளாள். ஆமாம், வாரங்கலில் 16 வயது மாணவன் 21 வயதான விஞ்ஞான ஆசிரியை திருமணமே செய்து கொண்டு விட்டான்[9].

ஏப்ரல்.2010: உதய்பூர் மாவட்டம், ராஜஸ்தான் – ஒரு தனியார் பள்ளி 27வயதான மோனிகா ஷேக், 16 வயது நிஷாங்க் என்ற பையனுடம் ஓடிப்போன போது, புகாரின் பேரில் போலீஸார் கைது செய்தனர். விசாரணையில், அவள் அதுபோல பல மாணவர்களுடன் உறவு வைத்திருந்தது தெரிய வந்தது[10]. ஒரு ஏப்ரல்.24, 2010.

கோதை-மணி- காமம் -786 கதவு

கோதை-மணி- காமம் -786 கதவு

இவற்றையெல்லாம் ஆயும்போது வெளியாகும் விசயங்கள்: முன்பெல்லாம் ஆசிரியைகள்-மாணவர்கள் அல்லது ஆசிரியர்கள்-மாணவிகள் வகுப்பில், பள்ளிகளில், சோதனைக் கூடங்களில் கட்டுப்பாட்டுடன், ஒழுக்கத்திடன், கண்ணியத்துடன் இருந்து கொள்பவர். திருமணம் ஆனாலும், ஆகாவிட்டாலும், மற்றவர்களிடம் பழகும் போது வரையறைகளுடன் இருந்துகொள்வார்கள். ஆனால், இப்பொழுது, நாகரிகம், இருபாலார் படிக்கும் பள்ளிகள்-கல்லூரிகள் முதலியவற்றாலும், சினிமா-டிவி போன்ற சாதனங்களின் எதிர்மறை நிகழ்ச்சிகள் முதலியவற்றாலும், இளம் வயது ஆண்கள்-பெண்கள் இவ்வாறு வரம்புகளை, எல்லைகளை, கட்டுப்பாடுகளை மீறுகிறார்கள் என்று தெரிகிறது.

  1. இளம் ஆசிரியைகள் வகுப்பில் பாடம் தவிர மற்ற விசயங்களை (சினிமா, டிவி நிகழ்சிகல் போன்ற) பற்றிப் பேசுவது.

  1. “எக்ஸ்கிரஷன்”, சுற்றுலா என்று வெளியே செல்வது, அங்கு மாணவர்களுக்கு வலைவீசுவது.

  1. சினிமா-டிவி முதலியவற்றில் நடிகைகள் எல்லாவற்றையும் காட்டி ஆடுவது, பாடுவது, குத்தாட்டம் போடுவது முதலியவற்றைப் பார்ப்பதால், ஈர்க்கப்படுதல்.

  1. டீன் ஏஜ் என்பதால், இவ்விசயங்கள் சொல்லாமல் தெரிந்து, செய்து பார்க்கத் துடிப்பது, ஏங்குவது.

  1. நெருக்கம், பேச்சு, உடை முதலியவை – பார்க்கும் முறை, போக்கு முதலியவை தூண்டும் சாதனங்களாக உபயோகிப்பது.

  1. பாடம் சொல்லிக்கொடுக்கும் போது, அருகில் வருவது, தொட்டுக் காட்டுவது, பேசுவது முதலியன.

  1. அந்நிலையில் ஆசிரியைகளிடம் மாட்டிக் கொள்வது. ஒருமுறை சுவைத்தப் பிறகு, இளமையினால் மறுபடி-மறுபடி சுவைக்கச் செல்வது.

  1. தாம்பத்தியம் சரியில்லை, புருஷனால் திருப்திப்படுத்த முடியவில்லை, விவாக ரத்து, தனித்து வாழ்தல் போன்ற பிரச்சினைகளினால், காமத்தைத் தீர்த்துக் கொள்ள மாணவர்களை உபயோகித்துக் கொள்ளுதல்.

  1. தமது வகுப்பில் படிக்கும் மாணவர்கள் என்பதினால், விசயத்தை வெளியே சொல்லாதே என்று பயமுறுத்துதல், வேன்டும் போது அனுபவித்துக் கொள்ளுதல்.

  1. ஆசிரியை-மாணவன், குரு-சிஷ்யன், போன்ற உறவுகளை காமம், உடலின்பம் முதலியவற்றால் முறித்து, இள்ளம்வயதை சீரழிக்கும் போக்கு.

பொதுவாக தார்மீக உணர்வுகள், மனக்கட்டுப்பாடு, உடலொழுக்கம், முதலியவை குன்றுவதாலே, இச்சீர்கேடுகள் ஏற்படுகின்றன என்று தெரிகிறது. போதாகுறைக்கு வளைதளம், அலைபேசி, பேஸ்புக் முதலியவை இவர்களின் காமப்பசிக்கு தீனி போடுகின்றன.

கோமதி-மணி- காமம்.-786

கோமதி-மணி- காமம்.-786

தனிமனித ஒழுக்கம் தேவையா, இல்லையா?: இந்து போன்ற நாளிதழ்கள் (ஆங்கிலம்) இவற்றை மொத்தமாக சேர்த்து, ஒரு சட்டப் பிரச்சினையாக அணுகுவது வேடிக்கையாக இருக்கிறது[11]. அதாவது மற்ற காதலித்து வீட்டில் மறுத்ததால், எதிர்த்ததால் வீட்டைவிட்டு ஓடிபோதல், போன்ற விசயங்களாக அலசுகின்றன. பொதுவாக உபதேசம் செய்பவர்கள், கற்பிப்பவர்கள், புத்திமதி சொல்பவர்கள் ஒழுங்காக இருக்க வேண்டும் என்பார்கள். ஆனால், “தி இந்து” ஆசிரியர்களிடம் எதிர்பார்க்க முடியாது. இங்கு தனிமனித ஒழுக்கத்தை அல்லது அவர்களது சொந்த விசயங்களைக் குறிப்பிடுவது என்பதில்லை, ஆனால், அவ்வாறிருப்பவர்கள் எப்படி ஒட்டு மொத்த சமூதாயத்தின் ஒழுக்கத்தைப் பேண உண்மையில் வேலைசெய்வார்கள் அல்லது எண்ணம் கொள்வார்கள் என்பதுதான் கேள்வி. கமல் ஹஸ்ஸன் போன்ற நடிகர்கள் ஒருவனுக்கு-ஒருத்தி, தாம்பத்தியம், இல்லறம், கற்பு முதலியவற்றைப் பற்றிப் பேசமுடியாது. அதுபோலவே பலதார மணம் புரிந்துௐஒல்லூம் ஆண்-பெண்களிடமும் இவற்றைப் பற்றி பேச்ச முடியாது. அந்நிலையில் அவர்களை பல்கலைக்கழகங்களில் அழைத்து பட்டம் கொடுத்து, பேசவைத்தால், மாணவ-மாணவியர்களிடம் எப்படி நற்பண்புகள் வளரும் என்று எதிர்பார்க்க முடியும் என்று தெரியவில்லை. “கொன்றால் பாவம், தின்ற்றால் போச்சு” என்ற ரீதியில் தான் இவர்கள் ஆண்-பெண் உறவுகளைப் பற்றி விளக்கம் கொடுப்பார்கள். பல பெண்களை மணந்து கொண்டும், சேர்ந்து வாழ்ந்தும், குழந்தைகளைப் பெற்றுக் கொண்டும், பிறகு மற்ற பென்களுடன் சேர்ந்து வாழும் மனிதர்கள், “எயிட்ஸ்” போன்ற விளம்பரங்களுக்கு “போஸ்” கொடுப்பது, விளம்பரம்-பிரச்சாரம் செய்வது தான் காலத்தின் கோலமாக இருக்கிறது.

கோதை-மணி- காமம்-சல்பீ

கோதை-மணி- காமம்-சல்பீ

20 வருடங்களுக்குப் பிறகு, தந்தைக்கு 38, தாயுக்கு 47, தனக்கு 20 என்று வயதிருந்தால் பரவாயில்லையா?: இப்பொழுதக்கு கடத்தல், சட்டமீறி அடைத்துவைத்தல், சிறுவர்களுக்கு பாலியல் தொந்தரவு கொடுத்தல் போன்ற குற்றங்கள் இவற்றைட் தடுக்கும் சட்டத்தின் கீழ் [kidnapping, wrongful confinement and Protection of Children from Sexual Offences (POCSO) Act] நடவடிக்கை எடுக்கப்படுகின்றது.  அஞ்சலி சிங் போன்றோர் சட்டமீறலை சட்டமுறையாக்க, பையனுக்கு 18 வயதானதும் திருமணம் செய்து கொள்கிறேன் என்றாள். பையனுக்கு 18 வயதானால், தனக்கு 27 வயதாகுமே என்று யோசித்தாளா என்று தெரியவில்லை. ஒருவேளை 27 வயது ஆண், 18 வயது பெண்ணை திருமணம் செய்து கொள்ளும் போது, 27 வயது பெண், 18 வயது ஆணை திருமணம் செய்து கொள்ளக்கூடாதா என்று கேள்வி கேட்கலாம்.  ஆனால், பிறகு குழந்தை பிறந்து, 20 வருடங்களுக்குப் பிறகு, தந்தைக்கு 38, தாயுக்கு 47, தனக்கு 20 என்று வயதிருந்தால் பரவாயில்லையா? ஒருவேளை 20 வயதான மகள், 38 வயதான ஆணை திருமணம் செய்து கொண்டு குழந்தையைப் பெற்றுக் கொண்டால், அக்குழந்தையின் தந்தை மற்றும் தாத்தா இருவர்களுக்கு ஒரே வயது இருக்குமே? அக்குழந்தை வளரும் போது, மனநிலை எவ்வாறு இருக்கும்?

வேதபிரகாஷ்

© 12-04-2015

[1] http://www.dailythanthi.com/News/State/2015/04/11141306/10class-student-love-Teacher-with-the-flow.vpf

[2] http://www.newindianexpress.com/states/tamil_nadu/Teacher-Elopes-with-Minor-Boy/2015/04/11/article2758555.ece

[3] http://www.dnaindia.com/mumbai/report-teacher-who-eloped-with-student-traced-to-bangalore-arrested-1967981

[4] http://www.mumbaimirror.com/mumbai/crime/FB-posts-lead-to-arrest-of-teacher-25-who-eloped-with-her-teen-student/articleshow/31687961.cms

[5] http://timesofap.com/politics/teacher-plans-to-marry-student-after-he-turns-adult-mumbai-police.html

[6] http://daily.bhaskar.com/news/EDU-a-45-year-old-teacher-elopes-with-an-18-year-old-student-4196029-PHO.html

[7] http://archive.indianexpress.com/news/bail-denied-to-teacher-who–eloped–with-minor-boy/940738/

[8] Two teachers eloped with two minor students and married against the wishes of their parents.This incident, which sent shockwaves among parents of the schoolchildren, took place at Yerrabalem village in Mangalagiri rural mandal, a few km away from Vijayawada.The teachers, T. Mounika and P. Lakshmi Tirupatha-mma, took away minor twins, both students of Class VIII in a private school, to a secret location in Vijayawada where they married them.“The boys are minor. The teachers are in their early 20s. They left the school a few months ago after the management pulled them up for moving with the students. One of them is now working as a computer operator, and another is pursuing higher education. We had to do a lot of counselling to convince the teachers and the boys,” said P. Annapoorna Reddy, assistant superintendent of police, Mangalagiri.Though the police succeeded in handing over the minor boys to their parents, the teachers remained stubborn arguing that they would wait till the boys turn majors, and would marry them then.The teachers were let off, though a case has been registered against them. The school management, however, is silent on the whole affair.

[9] http://www.ndtv.com/cities/class-10-student-elopes-with-teacher-in-andhra-411244

[10] http://indiatoday.intoday.in/story/udaipur-teacher-elope-with-her-minor-student/1/106940.html

[11] http://www.thehindu.com/todays-paper/tp-national/tp-tamilnadu/elopement-a-major-law-and-order-problem/article4819305.ece

Advertisements

விபச்சாரங்களில் பல ரகம்!

ஏப்ரல் 22, 2010
விமானத்தில் பறந்து வந்து விபசாரம் : இரு பெண்கள் உட்பட மூவர் கைது
ஏப்ரல் 22,2010,00:00  IST

http://www.dinamalar.com/Incident_detail.asp?news_id=18010

சென்னை : பெங்களூரில் இருந்து விமானம் மூலம் சென்னை வந்து ஓட்டலில் விபசாரத்தில் ஈடுபட்ட மூவரை, போலீசார் கைது செய்தனர். அவர்களிடம் இருந்து இளம்பெண் ஒருவரும் மீட்கப்பட்டார்.

வெளி மாநிலத்தில் இருந்து விமானம் மூலம் சென்னை வந்து விபசாரத்தில் சிலர் ஈடுபட்டு வருவதாக போலீசுக்கு தகவல் கிடைத்தது. மத்திய குற்றப்பிரிவு உதவி கமிஷனர் சுதாகர், இன்ஸ்பெக்டர் சந்திரதாசன் மற்றும் போலீசார், சென்னை வடபழனி பகுதியில் கண்காணித்தனர். இந்த கும்பலை பிடிக்க தனிப்படையும் அமைக்கப்பட்டது. தனிப்படை போலீசார், வடபழனியில் உள்ள பிரபல ஓட்டலில் கடந்த 20ம் தேதி திடீர் சோதனையில் ஈடுபட்டனர். அப்போது, அங்கு விபசார கும்பல் இருப்பது கண்டுபிடிக்கப்பட்டது. தொடர்ந்து, சாலிகிராமத்தைச் சேர்ந்த வெங்கடேஷ் என்பவரது மகன் விஜயகுமார்(34), பெங்களூரைச் சேர்ந்த சதீஷ் என்பவரது மனைவி நளினி (45) மற்றும் குல்லப்பா என்பவரது மனைவி சந்திரிகா(எ) ஆர்த்தி(34) ஆகிய மூவரையும் கைது செய்தனர். இவர்களிடம் இருந்து பெங்களூரைச் சேர்ந்த ரீனா(20) என்ற பெண்ணையும் மீட்டனர். இவர்கள் அனைவரும் அடிக்கடி பெங்களூரில் இருந்து விமானம் மூலம் சென்னை வந்து விபசாரத் தொழிலில் ஈடுபட்டது கண்டுபிடிக்கப்பட்டது.

சாலிகிராமத்தைச் சேர்ந்த விஜயகுமார், அதே பகுதியில் ஜி.வி., ஸ்டூடியோ என்ற பெயரில் ரிகார்டிங் ஸ்டூடியோ நடத்தி வருவதும், அதில் வருமானம் போதுமானதாக இல்லாததால், விபசாரத் தொழிலில் ஈடுபட்டு வந்ததும் தெரியவந்தது. போலீசின் கண்ணில் சிக்காமல் இருக்க, அடிக்கடி விமானத்தில் பறந்து வெளிமாநிலங்களுக்கும் சென்று விபசாரத் தொழிலை நடத்தியது தெரிந்தது. மீட்கப்பட்ட பெண், அரசு மகளிர் காப்பகத்தில் ஒப்படைக்கப்பட்டார். விபசாரத்திற்காக பயன்படுத்தப்பட்ட 5 லட்சம் ரூபாய் மதிப்பிலான கார் மற்றும் மொபைல் போன்கள் பறிமுதல் செய்யப்பட்டுள்ளன.

விபசார புரோக்கர் கன்னட பிரசாத் கூட்டாளிகள் சிக்கினர் : ஏழு பெண்கள் மீட்பு:கார்கள்,மொபைல்போன் பறிமுதல் : கன்னட பிரசாத் தப்பி ஓட்டம்
ஏப்ரல் 22,2010,00:00  IST

http://www.dinamalar.com/Incident_detail.asp?news_id=18024

பரங்கிமலை: இளம்பெண்களை, விபசாரத்தில் ஈடுபடுத்திய கன்னடபிரசாத் கூட்டாளிகள் நான்கு பேரை போலீசார் கைது செய்தனர். ஏழு பெண்கள் மீட்கப்பட்டனர். தப்பி ஓடிய கன்னடபிரசாத்தை தேடி வருகின்றனர்.

சென்னை முகலிவாக்கம், மதனந்தபுரம் வி.ஜி.என்.,நகரில் உள்ள ஒரு பங்களாவில் ஐ.டி., நிறுவனங்களில் பணிபுரிவதாகக் கூறி இளம்பெண்கள் பத்துபேர் தங்கியிருந்தனர். அந்த பங்களாவுக்கு, ஆடம்பர கார்களில் அறிமுகமில்லாத ஆண்கள் இரவு நேரங்களில் வந்து சென்றனர். இதனால், அப்பகுதி மக்களுக்கு சந்தேகம் ஏற்பட்டது. இது குறித்து, புறநகர் கமிஷனர் ஜாங்கிட்டிற்கு புகார் செய்தனர். கமிஷனர் உத்தரவுப்படி, மத்திய குற்றப்பிரிவு உதவி கமிஷனர் ஜெயக்குமார் தலைமையில், இன்ஸ்பெக்டர்கள் பிரதீப், நரசிம்மன், எஸ்.ஐ.,க்கள் அருள்மணி, மோகன்ராஜ், ரவிக்குமார் ஆகியோர் கொண்ட தனிப்படை அமைக்கப்பட்டது. தனிப்படை போலீசார் அந்த பங்களாவை தீவிரமாக கண்காணித்தனர். பிரபல விபசார புரோக்கர் கன்னட பிரசாத் மற்றும் அவரது கூட்டாளிகள், இளம்பெண்களை வைத்து விபசாரம் நடத்துவது தெரியவந்தது.

தனிப்படை போலீஸ்காரர் ஒருவர் மாறுவேடத்தில் வாடிக்கையாளர்போல் விபசார புரோக்கரை அணுகினார். அப்போது, முகலிவாக்கம் அலகாபாத் வங்கி அருகே, காரில் இரண்டு பெண்களை அனுப்பி வைப்பதாகக் கூறினர். இதையறிந்த, தனிப்படைபோலீசார் காரில் வந்த இரண்டு பெண்கள் மற்றும் கார் டிரைவரையும் சுற்றிவளைத்தனர். இவர்கள் கொடுத்த தகவலின்படி, முகலிவாக்கம் மதனந்தபுரம் பங்களாவில் போலீசார் திடீர் ரெய்டு நடத்தினர். அங்கு, ஏழு பெண்களை வைத்து விபசாரத்தில் ஈடுபடுத்திய திண்டுக்கல், ஒட்டன்சத்திரம், தாராபுரம்ரோட்டை சேர்ந்த சரவணன் (30), கன்னியாகுமரி அடுத்த தக்கலை, காஞ்சாம்விளையை சேர்ந்த கமலதாஸ் மகன் சதீஷ் (28), தேனி, போடிநாயக்கனூரை சேர்ந்த பழனிச்சாமி மகன் குமார் (23), விஜயவாடா, சீதாநகரை சேர்ந்த சந்திரன் மகன் ரமேஷ் (25) ஆகியோரை போலீசார் கைது செய்தனர். போலீசில் சிக்கிய சரவணன், சதீஷ் ஆகியோர் பிரபல விபசார புரோக்கர் கன்னட பிரசாத்தின் கூட்டாளிகள். சரவணன் மீது கடந்த 2005ம் ஆண்டு முதல் சென்னை நகர விபசார தடுப்பு பிரிவு போலீசில் வழக்குகள் பதிவாகியுள்ளன. மடிப்பாக்கம் போலீஸ் நிலையம் மற்றும் புறநகர் மத்திய குற்றப்பிரிவு விபசார பிரிவு போலீசாரால், கைது செய்யப்பட்ட சரவணன், கடந்த 2007ம் ஆண்டு குண்டர் தடுப்பு காவல் சட்டத்தில் சிறை சென்றவர்.

சதீஷ் மீது 2009ம் ஆண்டு முதல், சென்னை நகர விபசார தடுப்பு பிரிவு போலீசில் வழக்குகள் பதிவாகியுள்ளன. குண்டர் சட்டத்தில் கைதாகி சிறை சென்ற சதீஷ், கடந்த மூன்று மாதங்களுக்கு முன் சிறையிலிருந்து வெளியே வந்தவர். கார் திருடிய வழக்கில் குமாரை செங்குன்றம் போலீசார் கடந்த 2009ம் ஆண்டு கைது செய்தனர். அப்போது, சிறையிலிருந்த கன்னட பிரசாத்துடன் பழக்கம் ஏற்பட்டு, வெளியே வந்ததும் அவருடன் கூட்டாக விபசார தொழிலில் ஈடுபட்டார். கைதான நான்கு பேரையும் புறநகர் மத்திய குற்றப்பிரிவு போலீசார், கோர்ட்டில் ஆஜர்படுத்தி, புழல் மத்திய சிறையில் அடைத்தனர். தப்பி ஓடிய கன்னட பிரசாத்தை போலீசார் தேடி வருகின்றனர். விபசாரத்திற்கு பயன்படுத்தப்பட்ட, ஐந்து லட்ச ரூபாய் மதிப்புள்ள டி.என்.10 எஸ்.0031 மற்றும் டி.என்.09,ஏ.இசட் 3327 இரண்டு கார்கள் மற்றும் மொபைல்போன்கள் பறிமுதல் செய்யப்பட்டன.

இளம்பெண்கள் மீட்பு: விபசாரத்தில் ஈடுபடுத்தப்பட்ட கோல்கட்டாவை சேர்ந்த ரோஜினா பிவி (25), சோனியா ராய் (25), ரேஷ்மா தாஸ் (20), அன்வாரா பீவி (24), நர்கிஸ் (25), ஜோஸ்னா (23), பெங்களூரு பஸ்வேஸ் நகரை சேர்ந்த காவியா (20) ஆகிய ஏழு பெண்களை போலீசார் மீட்டனர். இவர்கள் மருத்துவ பரிசோதனைக்கு பின், சைதாப்பேட்டை மகளிர் விடுதியில் தங்க வைக்கப்பட்டனர். சிறப்பாக செயல்பட்டு, பிரபல கன்னட பிரசாத் கூட்டாளிகளை கைது செய்த போலீசாரை, புறநகர் கமிஷனர் ஜாங்கிட் பாராட்டினார்.

விபச்சார வகைகளில்

படம் பார்க்கச் சென்று அனுபவிக்கும் விபச்சாரம்

காதலி /  மனைவி மாதிரி வந்து போகும் விபச்சாரம்

பாக்கெட் மணிக்கு / கார்ல் கேர்ள், செல் போன் விபச்சாரம்

கார் விபச்சாரம்

விமான விபசாரம்

விமானத்தில் பறந்து வந்து விபசாரம்

அயல்நாட்டிற்கே சென்ரு செய்யும் விபச்சாரம்

அயல்நாட்டில் “பேக்கேஜ்” டூர் விபச்சாரம்

டான்ஸ், கிளப், ரிஸார்ட் அங்கத்தினர் விபச்சாரம்

ஃபார்ம் ஹவுஸ் / பண்ணைத் தோட்ட விபச்சாரம்

புத்தாண்டு விழா, ஆண்டுவிழா,…………………

சப்ளையர்ஸ் மீட், ஏஜென்டுகள் மீட், ………..

ஒற்றர் விபச்சாரம், உளவு வேலை விபச்சாரம்……………………..

“கூடி-சேர்ந்து மகிழும்” விபச்சாரம்……………….

பாலியல் பலாத்கார வழக்கில் சிக்கிய கிழவருக்கு உச்சநீதிமன்றம் அறிவுரை!

ஜனவரி 11, 2010

பாலியல் பலாத்கார வழக்கில் சிக்கிய கிழவருக்கு உச்சநீதிமன்றம் அறிவுரை

இந்த செய்தி வந்து ஐந்து மாதங்கள் கூட ஆகவில்லை.

அதற்குள் இன்னொமொரு கிழம் மாட்டிக்க்கொண்டு விட்டது!

இலவச டிவியில் மானாட, மயிலாட, மார்பாட என குலுக்கலகளைப் பார்த்துவிட்டு அலயும் இந்த கிழங்கள் என்ன செய்யும்?

எளிதாக கிடைக்கும் இலக்குகளைத்தான் குறிவைக்கும்!

போதாகுறைக்கு மான்குட்டி கதை சொல்லி உசுப்பிவிடும் கிழம் வேறு உள்ளது!

பாலியல் பலாத்காரம் 70 வயது முதியவர் கைது

பாலியல் பலாத்காரம் 70 வயது முதியவர் கைது

தினமலர், பதிவு செய்த நாள் : ஜூன் 03,2010,03:05 IST

http://www.dinamalar.com/News_Detail.asp?Id=11945

இடைப்பாடி: கொங்கணாபுரம் அருகே இளம்பெண்ணை  பாலியல் பலாத்காரம் செய்த  முதியவர் கைது செய்யப்பட்டார். கொங்கணாபுரம் அருகே  புதுப்பாளையத்தை சேர்ந்தவர் நைனாகவுண்டர்(70); விவசாய கூலித் தொழிலாளி. அதே பகுதியை சேர்ந்தவர்  ஏழுமலை மகள் ரேவதி(18).  தேசிய ஊரக வேலை வாய்ப்பு திட்டத்தில் ஏரி வேலை செய்து வருகிறார். கடந்த 27ந் தேதி ரேவதி வேலைக்கு செல்லாமல் வீட்டில் தனியாக இருந்தார். அப்போது வீட்டுக்குள் புகுந்த நைனாகவுண்டர், ரேவதியை பாலியல்பலாத்காரம் செய்தார்.  வெளியில் சொன்னால் கொலை செய்வதாகவும் மிரட்டினார். மனமுடைந்த ரேவதி,  அரளிக் கொட்டையை தின்று தற்கொலைக்கு முயன்றார். பக்கத்து வீட்டினர் அவரை இடைப்பாடி அரசு மருத்துவமனையில் சேர்த்தனர்.  இடைப்பாடி போலீஸார் வழக்குப்பதிவு செய்து, நைனாகவுண்டரை கைது செய்தனர்.

[ திங்கட்கிழமை, 11 சனவரி 2010, 06:32.48 AM GMT +05:30 ] பாலியல் பலாத்கார வழக்கில் சிக்கிய கிழவரின் உடல்நிலையை காரணம் காட்டி அறிவுரை வழங்கிய உச்சநீதிமன்றம் அவரை விடுதலை செய்துள்ளது.

நெல்லை மாவட்டத்தில் உள்ள ஒரு கிராமத்தை சேர்ந்தவர் கைகொண்டான். இப்போது 70 வயதான அவர், 1999 பிப்ரவரி 2 அன்று 60வயதான ஒரு பெண்ணை குடிசைக்குள் இழுத்துச் சென்று கொடூரமாக பாலியல் பலாத்காரம் செய்து விட்டார். அவரிடம் இருந்து தப்பிக்க அந்தப் பெண் அலறி துடித்துப் போராடினார். இதில் அந்த பெண்ணின் வலது கை முறிந்து விட்டது.
இது தொடர்பான வழக்கு அமர்வு நீதிமன்றத்தில் நடந்தபோது குற்றச்சாட்டை கைகொண்டான் மறுத்தார். எனினும் பாதிக்கப்பட்டவரின் வாக்குமூலம், சந்தர்ப்ப சூழ்நிலை போன்றவற்றை ஆதாரமாக வைத்து அவருக்கு 7 ஆண்டு கடுங்காவல் தண்டனை விதித்து 2004 பிப்ரவரி 24ல் அமர்வு நீதிமன்றம் தீர்ப்பளித்தது. இதை எதிர்த்து கைகொண்டான் தாக்கல் செய்த மேல் முறையீட்டு மனுவையும் சென்னை உயர்நீதிமன்றம் 2008 மார்ச் 23ல் தள்ளுபடி செய்து விட்டது.
இதையடுத்து கைகொண்டான், உச்சநீதிமன்றத்தில் சிறப்பு மேல் முறையீடு செய்தார். அவரது சார்பில் வக்கீல் எம். விஜய் பாஸ்கர் வாதாடியபோது, எப்.ஐ.ஆர். பதிவு செய்ய ஒரு நாள் தாமதம் ஏற்பட்டதையும், பாதிக்கப்பட்டவருக்கு கை முறிந்ததற்கான எக்ஸ்ரே அறிக்கை தாக்கல் செய்யப்படாததையும் ஒரு குறையாக எடுத்துக் கூறினார். இந்த வாதத்தை நீதிபதிகள் மார்க்கண்டேய கட்ஜூ, ஆர்.எம். லோட்கா ஆகியோரைக் கொண்ட பெஞ்ச் நிராகரித்து விட்டு இரண்டு கீழ் நீதிமன்றங்களிலும் வழங்கப்பட்ட தண்டனை சரிதான் என்று தீர்ப்பளித்தது.
இதன் பிறகு மனுதாரர் சார்பில் மூத்த வக்கீல் வி. கனகராஜ் கூறுகையில், ‘‘ மனுதாரருக்கு 70 வயது ஆகி விட்டது. அவர் 6 ஆண்டுகள் சிறையில் இருந்து விட்டார். இப்போது பல விதமான உடல் நலக் குறைவால் அவதிப்படுகிறார். எனவே உச்சநீதிமன்றம் கருணை காட்டி விடுதலை செய்ய வேண்டும்’’ என்று கோரிக்கை விடுத்தார்.
இதையடுத்து 70 வயதான கிழவரின் நிலையைப் பார்த்து நீதிபதிகள் மனம் இளகினர். தண்டனைக் காலத்தை மாற்றி 6 ஆண்டு சிறையே போதுமானது என்று கூறி ஒரு ஆண்டுக்கு முன்பே அவரை விடுதலை செய்ய அனுமதி அளித்தனர்.
‘‘விடுதயை£ன பிறகு கைகொண்டான் தனது எஞ்சிய வாழ்நாளை ஆன்மீக வழியில் கழிக்க வேண்டும். கோவிலுக்குச் செல்லுதல், பூஜை செய்தல், மந்திரங்கள் ஓதி பக்தி பாடல் பாடுதல் போன்றவற்றில் காலத்தை கழித்து அமைதியாக வாழ வேண்டும். எக்காரணம் கொண்டு கொடிய குற்றங்களில் இனி ஈடுபடக் கூடாது’’ என்று நீதிபதிகள் அறிவுரை கூறினர்.

சோனியா காங்கிரஸ் கவர்னரின் நிர்வாண சல்லாபம்!

திசெம்பர் 25, 2009

சோனியா காங்கிரஸ் கவர்னரின் நிர்வாண சல்லாபம்!

ஆந்திராவின் கவர்னர் என்.டி.திவாரி என்ற சோனியா கங்கிரஸைச் சேர்ந்தவர். இவர் கவர்னராகியதும், இளம்பெண்கள், விபச்சாரிகள் முதலியோர் வேலைக்கரிகள் போர்வையில் அவர் மாளிகைக்கு அனுப்பப்பட்டனராம். அங்கு அவர்கள் கவர்னரை சந்தோசபடுத்தி வந்தனராம். ரகசியமாக வைத்த கேமரக்கள் அவரது சல்லாபங்களை படமெடுத்தது.

ஆந்திராவிலுள்ள ஒரு தனியார் டிவி செனல் அந்த காட்சிகளை ஒளிபரப்பியது. அதில் அவர் படுத்திருக்கிறார். மூன்று பெண்கள் அவருடன் சல்லாபிக்கிறார்கள்.  முத்தம் கொடுக்கிறார்கள்.

http://www.youtube. com/watch? v=OegTOBNK1fs& feature=youtube_ gdata

ரோம் நகரம் தீ பிடித்தபோது, நீரோ பிடில் வாசித்துக் கொண்டிருந்தானாம். ஆனால் இந்த கவர்னரோ பெண்களுடன் சல்லாபதில் இருந்திருக்கிறார்!

இப்பொழுது உயர்நீதிமன்றத்தின் ஆணையின்படி, அந்த தொலைக்காட்சி அத்தகைய காட்சிக்லளை ஒளிபரப்புவதை நிறுத்தியுள்ளது!

இன்றைய 26-12-2009 செய்திகள்:

சர்ச்சையில் சிக்கி சரிந்த, எப்படி இருந்த திவாரி..!
சனிக்கிழமை, டிசம்பர் 26, 2009, 11:01[IST]

http://thatstamil.oneindia.in/news/2009/12/26/tiwari-lands-a-controversy-over-tv.html

ஏபிஎன் ஆந்திரஜோதி: ஆந்திர மாநில ஆளுநர் என்.டி.திவாரி, ராஜ்பவன் படுக்கை அறையில் பெண்களுடன் இருப்பது போன்ற டிவி வீடியோ படத்தால் அங்கு பெரும் சர்ச்சை ஏற்பட்டு தற்போது திவாரியின் ராஜினாமாவால் ஓய்ந்துள்ளது. ஏபிஎன் ஆந்திரஜோதி என்ற தனியார் தொலைக்காட்சி சானல் இந்த செய்தியை நேற்று வீடியோவுடன் வெளியிட்டு பெரும் பரபரப்பை ஏற்படுத்தியது. இருப்பினும் ஆந்திர மாநில உயர்நீதிமன்றம் இந்த வீடியோ செய்திக்கு உடனடியாக தடை விதித்து விட்டது.உத்தரகாண்ட் மாநிலத்தைச் சேர்ந்த முன்னாள் காங்கிரஸ் தலைவர் என்.டி.திவாரி எனப்படும் நாராயண் தத் திவாரி. இவர் உ.பி. முதல்வராக 3 முறையும், உத்தரகாண்ட் மாநிலத்தின் முதல் முதல்வராகவும் இருந்தவர்.

ரோஹித் சர்மா பிரச்சினை: இவர் பெண் சர்ச்சையில் சிக்குவது இது முதல் முறையல்ல. முன்பு டெல்லியைச் சேர்ந்த ரோஹித் சர்மா என்ற இளைஞர் திவாரி மீது வழக்கு தொடர்ந்தார்.அதில், எனது தந்தை என்.டி.திவாரி. அவருக்கும், எனது தாய்க்கும் இடையில் ஏற்பட்ட உறவில்தான் நான் பிறந்தேன். எனவே என்னை திவாரியின் மகனாக அறிவிக்க வேண்டும் என்று கோரினார்.இதுதொடர்பாக விளக்கம் அளித்த திவாரி, ரோஹித்தின் தாயார் உஜ்வாலா சர்மா தவறானவர். அவருடைய தூண்டுதலின்பேரில்தான் ரோஹித் சர்மா என் மீது வழக்கு தொடர்ந்துள்ளார் என்று கூறியிருந்தார்.இருப்பினும் இந்த வழக்கு கால தாமதமாக தாக்கல் செய்யப்பட்டிருப்பதாக கூறி உயர்நீதிமன்றம் வழக்கைத் தள்ளுபடி செய்து விட்டது. இதனால் தப்பித்தார் திவாரி. இந்த நிலையில், ராஜ்பவன் படுக்கை அறையில் பெண்களுடன் உல்லாசமாக இருந்ததாக பெரும் சர்ச்சையில் சிக்கினார் திவாரி.ஏற்கனவே தெலுங்கானா காரணமாக கொதிப்பில் இருக்கும் ஆந்திராவில் திவாரி பிரச்சினை புதிய பரபரப்பை ஏற்படுத்தியது. நேற்று காலை இந்த வீடியோ செய்தி வெளியானதைத் தொடர்ந்து ராஜ்பவன் நோக்கி பெண்கள் அமைப்பினர், தெலுங்கு தேசம் கட்சியினர் படையெடுத்து போராட்டத்தில் குதித்தனர். இதையடுத்து போலீஸார் பெருமளவில் குவிக்கப்பட்டு பெண்களைக் கைது செய்து அப்புறப்படுத்தினர்.திவாரி குறித்த செய்தியால் அதிர்ச்சி அடைந்த ராஜ்பவன் உடனடியாக ஆந்திர உயர்நீதிமன்றத்தில் பொது நலன் மனு ஒன்றைத் தாக்கல் செய்தது.அதில் ஆந்திர ஜோதி டிவியில் காட்டப்படுவது திரிக்கப்பட்ட உண்மைக்குப் புறம்பான காட்சிகள். ஆளுநரின் நற்பெயருக்குக் களங்கம் விளைவிக்கும் முயற்சி. உடனடியாக இதை தடுத்து நிறுத்த வேண்டும் என்று கோரப்பட்டிருந்தது.இதையடுத்து படு வேகமாக செயல்பட்ட ஆந்திர உயர்நீதிமன்றம், அந்த செய்தியை ஒளிபரப்பவும், வீடியோவைக் காட்டவும் ஆந்திர ஜோதிக்கு தடை விதித்து உத்தரவிட்டது. இதையடுத்து ஆந்திர ஜோதி வீடியோ படத்தைக் காட்டுவதை நிறுத்தியது.

அந்தக் காட்சி…ராஜ்பவன் மாளிகையின் படுக்கை அறையில் இந்தக் காட்சி விரிகிறது. இரவு நேரத்தில் இது படமாக்கப்பட்டுள்ளது. என்.டி.திவாரி படுக்கை அறையில் உட்கார்ந்துள்ளார். அவருக்கு அருகில் 3 பெண்கள் உள்ளனர்.அவர்களில் ஒரு பெண்ணுக்கு 18 வயது என்று கூறப்படுகிறது. திவாரியின் வயது 87 ஆகும். இன்னொரு பெண் கர்ப்பிணி என்று கூறப்படுகிறது.ஒரு காட்சியி்ல் படுக்கையில் படுத்துக் கிடக்கிறார் திவாரி. அவரை ஒரு பெண் உடலில் ஆடையின்றி முத்தம் கொடுக்கிறார். இன்னொரு காட்சியில் வாயோடு வாய் வைத்து முத்தமிடுகிறார். மற்றொரு காட்சியில் அவரது காலுக்குக் கீழ் ஒரு பெண் உட்கார்ந்திருக்கிறார்.ஆளுநர் பதவிக்குரிய கெளரவத்தை கெடுக்கும் வகையில், மகா களங்கமாக அமைந்துள்ளது இந்த காட்சிகள்.

அம்பலப்படுத்திய ராதிகா...திவாரியின் இந்த செக்ஸ் ஊழலை அம்பலப்படுத்தியவர் உத்தரகாண்ட் மாநிலத்தைச் சேர்ந்த ராதிகா என்ற பெண் ஆவார்.ராஜ் பவன் அதிகாரி ஒருவரின் உத்தரவின் பேரில் திவாரிக்காக தான் இந்தப் பெண்களை அனுப்பி வைத்ததாக அவர் கூறியுள்ளார். இதுகுறித்து அவர் கூறுகையில், திவாரிக்கு பெண் மோகம் அதிகம். அவருக்காக நான் பல பெண்களை அனுப்பி வைத்துள்ளேன். அனைவரும் ராஜ்பவன் வேலைக்காக என்று கூறி சேர்க்கப்படுவர். ஆனால் அவர்களை திவாரிதான் தனது இச்சைகளுக்குப் பயன்படுத்தி வந்தார்.எந்த நேரத்தில் அவர் பெண் வேண்டும் என்று கேட்பார் எனக் கணிக்கவே முடியாது. திடீரென நள்ளிரவில் கேட்பார், சில சமயம் மதிய உணவை முடித்ததும் கேட்பார்.எனக்கு கடப்பாவில் சில கல்குவாரிகளை நடத்த விருப்பம் இருந்தது. இதற்காக லைசென்ஸ் வாங்கித் தருவதாக திவாரி உறுதியளித்திருந்தார். ஆனால் சொன்னபடி அவர் செய்யவில்லை. இதையடுத்தே இந்த வீடியோ படத்தை அம்பலப்படுத்தி ஆந்திரஜோதிக்குக் கொடுத்தேன் என்று கூறியுள்ளார் ராதிகா.

சமீபத்தில் எடுக்கப்பட்ட காட்சி ராதிகா ஏபிஎன் ஆந்திரஜோதி டிவிக்கு அளித்துள்ள திவாரி தொடர்பான வீடியோ காட்சிகள் சமீபத்தில்தான் படமாக்கப்பட்டதாம்.திவாரியால் தனது காரியம் நடக்காத கோபத்தில், பெண்களை அவரிடம் அனுப்பியபோது ரகசிய கேமராவால் அதை படமாக்கி விட்டார் ராதிகா. பின்னர் சிடியில் அதைப் போட்டு ஏபிஎன் தொலைக்காட்சிக்கு கொடுத்து விட்டார்.இதுகுறித்து ஏபிஎன் தொலைக்காட்சி நிறுவனத்தாரிடம் சிடியுடன் அணுகிய ராதிகா, அவர்களிடம், நான் கடந்த ஒரு மாதமாக ஆந்திர கவர்னர் மாளிகைக்கு பெண்களை அனுப்பி வந்தேன். இந்த சி.டி.யில் பதிவான செக்ஸ் காட்சிகள் சமீபத்தில் எடுக்கப்பட்டது என்று கூறியுள்ளார்.அவர் கொடுத்த காட்சிகளைப் பார்த்த ஏபிஎன் தொலைக்காட்சியினர், அதில் இருப்பது திவாரிதான் என்பதை உறுதி செய்து கொண்ட பிறகு அதை வெளியிட்டதாக தெரிவித்துள்ளனர்.இதற்கிடையே, வீடியோவை ஒளிபரப்ப தடை விதிக்கப்பட்டுள்ளது குறித்து ஆந்திரஜோதி டிவி எடிட்டர் ராதாகிருஷ்ணா கூறுகையில், உண்மையில் ஆந்திராவுக்கும், ராஜ்பவனுக்கும் களங்கத்தையும், அவதூறையும் ஏற்படுத்தியவர் திவாரிதான். நாங்கள் அல்ல. இதுபோன்ற செயலில் ஈடுபட்ட திவாரிதான் இதுகுறித்து விளக்கம் அளிக்க வேண்டும் என்றார்.

கதவை மூடிய சபீதா ரெட்டி…இந்த சம்பவம் குறித்து ஆந்திர அரசு இதுவரை கருத்து ஏதும் தெரிவிக்கவில்லை. மாநில உள்துறை அமைச்சர் சபீதா இந்திரா ரெட்டியிடம் செய்தியாளர்கள் கருத்து கேட்க முயன்றபோது வேகமாக தனது காரின் கதவை மூடியபடி கிளம்பிச் சென்று விட்டார் ரெட்டி.திவாரி விவகாரம் குறித்து கருத்து தெரிவித்துள்ள தெலுங்கு தேசம் தலைவர் சந்திரபாபு நாயுடு, ஆந்திரஜோதி டிவியில் காட்டிய காட்சிகள் மிகவும் அசிங்கமானவை, ராஜ்பவனுக்கு பெரும் களங்கத்தை ஏற்படுத்தி விட்டார் திவாரி. ஆந்திராவுக்கு பெரும் அவமானத்தைத் தேடித் தந்து விட்டார். அவரை உடனடியாக பதவி நீக்கம் செய்ய வேண்டும். அவர் பதவியில் நீடிக்க அனுமதிக்கக் கூடாது என்று கூறியிருந்தார்.இதேபோல திவாரியை டிஸ்மிஸ் செய்ய வேண்டும் என்று பல்வேறு மகளிர் அமைப்புகளும் வலியுறுத்தியுள்ளன. அதுவரை போராட்டத்தில் குதிக்கப் போவதாகவும் அவை கூறியிருந்தன.திவாரிக்கு எதிராக சித்தூர், நெல்லூர், கம்மம், அடிலாபாத் உள்ளிட்ட மாவட்டங்களில் பெண்கள் அமைப்புகள் போராட்டத்தில் ஈடுபட்டன.

பாலியல் புகார்: பதவி விலகினார் என்.டி. திவாரி
சனி, 26 டிசம்பர் 2009( 17:54 IST )

http://tamil.webdunia.com/newsworld/news/national/0912/26/1091226054_1.htm

பாலியல் குற்றச்சாற்றுக்கு ஆளான ஆந்திர மாநில ஆளுநர் என்.டி. திவாரி தனது ஆளுநர் பதவியை விட்டு விலகியிருக்கிறார். ஆந்திர மாநிலத்தில் இருந்து வெளிவரும் தனியார் தொலைக்காட்சி சேனலில், திவாரி 3 இளம்பெண்களுடன் இருப்பது போன்ற காட்சிகள் ஒளிபரப்பாகின. இதையடுத்து, அவர் பதவி விலக வேண்டும் என்று மகளிர் அமைப்பினரும், ஆந்திராவில் உள்ள பெரும்பாலான அரசியல் கட்சிகளும் வலியுறுத்தின. ஆளுநர் மாளிகை முன்பு மகளிர் அமைப்புகளைச் சேர்ந்த பெண்கள் முற்றுகைப் போராட்டத்திலும் ஈடுபட்டனர். தம்மீது கூறப்பட்டுள்ள பாலியல் குற்றச்சாற்றை மறுத்தார் என்.டி. திவாரி.
இதனிடையே தமது உடல்நிலையைக் கருத்தில் கொண்டு ஆளுநர் பதவியில் இருந்து விலகுவதாக என்.டி. திவாரி அறிவித்துள்ளார். அவர் தமது பதவி விலகல் கடிதத்தை குடியரசுத் தலைவருக்கு அனுப்பி வைத்துள்ளார். திவாரியின் பதவி விலகல் முடிவை வரவேற்பதாக காங்கிரஸ் கட்சி தெரிவித்துள்ளதாக தொலைக்காட்சி செய்திகள் தெரிவிக்கின்றன. தம் மீதான புகாருக்கு தார்மீகப் பொறுப்பேற்று அவர் பதவி விலகியிருப்பதாகவும் காங்கிரஸ் வட்டாரங்கள் கூறியுள்ளன. திவாரியின் பாலியல் வீடியோ காட்சிகள் வெளியானது குறித்து காங்கிரஸ் கட்சியின் மேலிடத் தலைவர்கள் புதுடெல்லியில் இன்று காலை கூடி ஆலோசனை நடத்தினர். காங்கிரஸ் கட்சியின் மீதான மதிப்பு குறைந்து விடக்கூடும் என்பதால், திவாரியை பதவி விலகுமாறு ஏற்கனேவே கட்சி மேலிடம் வலியுறுத்தியதாக தகவல்கள் தெரிவிக்கின்றன. மேலும் மாநில அரசிடம் திவாரிக்கு எதிரான புகார் குறித்து விசாரணை நடத்தி அறிக்கை அளிக்குமாறும் கேட்டுக் கொள்ளப்பட்டது. முன்னதாக ஏ.பி.என் ஆந்திர ஜோதி தொலைக்காட்சி சேனல், திவாரி குறித்த காட்சிகளை ஒளிபரப்புவதற்கு தடை விதிக்குமாறு ஆளுநர் மாளிகை தரப்பில் உயர் நீதிமன்றத்தை அணுகி கேட்டுக் கொண்டது.

கோவில்களுக்குள் அர்ச்சகர்கள் கேமரா செல்போன் பயன்படுத்த தடை வருமா?

நவம்பர் 23, 2009

கோவில்களுக்குள் அர்ச்சகர்கள் கேமரா செல்போன் பயன்படுத்த தடை வருமா?
ஞாயிற்றுக்கிழமை, நவம்பர் 22, 2009, 16:21 [IST]

http://thatstamil.oneindia.in/news/2009/11/22/will-govt-ban-camera-cell-phones.html

சென்னை: காஞ்சிபுரம் அர்ச்சகர் தேவநாதன் செய்த காம சேட்டைகளைப் பார்க்கும்போது கோவில் களுக்குள் அர்ச்சகர்கள் கேமரா செல்போன்களை பயன்படுத்த தடை விதிக்கலாம் என்று மக்களிடையே கருத்து எழுந்துள்ளது.

காஞ்சிபுரம் மச்சேஸ்வரர் கோவில் அர்ச்சகரான தேவநாதன் தான் செய்த காமலீலைகள் குறித்து அளித்துள்ள வாக்குமூலத்தில், 2 வருடங்களுக்கு முன்பு சைனா செல்போன் ஒன்று வாங்கினேன். அதில் வீடியோ மற்றும் கேமரா வசதி இருந்தது. கோவிலுக்கு வரும் 99 சதவீத பெண்கள்  சேலை அணிந்துதான் வருவார்கள். அவர்கள் குணிந்து சாமி கும்பிடும்போது யாருக்கும் தெரியாமல், ஓரமாக நின்று அவர்களை ஆபாசமாக படம் எடுப்பேன். அந்த படங்களை ஓய்வு நேரங்களில் பார்த்து ரசிப்பேன்.

எனது நண்பர்கள் சிலரிடம் இருந்து ஆபாச படங்களை செல்போன் மூலம் பெற்று பார்த்து ரசிப்பேன். என்னதான் பெண்களை அனுபவித்திருந்தாலும் செல்போனில் பார்ப்பதில் தனி சுகம் கிடைத்தது. இதனால் நாமும் பெண்களுக்கு தெரியாமல் படம் எடுக்க வேண்டும் என்று எண்ணினேன்.

அதன்படி கோவிலில் என்னுடன் உல்லாசத்தில் ஈடுபடும் பெண்களுக்கு தெரியாமல் கோவில் விளக்கு பின்புறம் செல்போனை மறைத்து வைத்தேன். பெண்களை மயக்கி கருவறைக்குள் அழைத்து வந்து காம வேலைகளில் ஈடுபட்டேன் என்று கூறியுள்ளார்.

அர்ச்சகர்கள் குறித்து மக்கள் குறிப்பாக பெண்கள் பெரும் பீதி அடையும் அளவுக்கு தேவநாதனின் செய்கையும், வாக்குமூலமும் அமைந்துள்ளது.

இன்று கோவில்களில் பெரும்பாலான அர்ச்சகர்கள் கையில் செல்போனும், வாயில் மந்திரமுமாகத்தான் உள்ளனர். இவர்கள் அனைவருமே தேவநாதனைப் போல காமராஜன்கள் என்று யாரும் கூறவில்லை. ஆனால் எந்தப் புற்றில் எந்தப் பாம்பு இருக்குமோ என்ற பயம் பெண்கள் மத்தியில் வந்துள்ளது.

இப்படிப்பட்ட பீதியை மக்கள் மனதிலிருந்து குறிப்பாக பெண்களின் மனதிலிருந்து அகற்றும் வகையில் அர்ச்சகர்கள் கோவிலில் பணி நேரத்தின்போது செல்போன்களை குறிப்பாக கேமரா செல்போன்களைப் பயன்படுத்துவதை தடை செய்யலாம் என பெண்கள் கருதுகின்றனர்.

குறிப்பாக இந்து அறநிலையத்துறையின் கீழ் இருக்கும் கோவில்களில் இந்த தடையை அமல்படுத்தலாம்.

ஏற்கனவே சென்னை அண்ணா பல்கலைக்கழகம் செல்போன்களை குறிப்பாக கேமரா செல்போன்களை பயன்படுத்தக் கூடாது என தடை விதித்தது.

அதேபோல, கோவிலில் சாமி கும்பிட வரும் பெண்கள் குனிந்து நிற்பதை படம் பிடிக்கும் கேவலமான புத்தி உடைய தேவநாதன் போன்ற அர்ச்சகர்களிடமிருந்து பெண்களின் மானத்தைக் காக்கும் வகையில், கேமரா செல்போன்களை கோவில்களுக்குள் அர்ச்சகர்கள் பயன்படுத்த அரசு தடை விதிக்க வேண்டும் என பெண்கள் கோருகின்றனர்.

விமர்சனம்:

1. செல்போன் மட்டுமல்ல பலவித கேமராக்கள் முதலிய நவீன கருவிகளால் என்னவேண்டுமானாலும் செய்யலாம். தம்மை படம் எடுப்பதை அறியாமலே செய்யலாம். ஆகையாதான் இத்தகையச் செயல்களை “சமூகத் தீவிரவாதம்” என்கிறேன்.

2. இதை ஆரம்பித்து வைத்தவர்கள் மேனாட்டவர்கள், அவர்களது அடிவருடிகள், அரசியல்வாதிகள், ஊடக முதலைகள், சினிமாக்காரர்கள், எழுத்தாளர்கள், ஆபாசத்தை, விபச்சாரத்தை வளர்க்கும் நிகழ்ச்சிகள், நடனங்கள், அழகிப்போட்டிகள், பப்ஸ் என பட்டியல் நீளுகின்றது. இவர்களை என்ன செய்வது?

3. இன்று இவ்விடங்களில் உள்ள மரியாதைக்கு உரிய பெண்மணிகள் சேலை என்றால் என்ன என்றல்லவோ கேட்பார்கள்?

* இதற்கும் பட்டிமன்றங்கள் / விவாதங்கள் நடத்தி அத்தகைய ஆபாச ஆடைகள் அணிவதுதான் நவீனம் என்று த்ரச்சான்றிதழ் கொடுக்கிறார்களே?

* உடைகளை அவிழ்த்துப் போட்டு ஆடத்துடிக்கும் தமிழ் நடிகைகளை என்னசெய்வது?

4. அவ்வாறே – அதாவது  அறைகுரை உடைகளோடு – பொது நிகழ்ச்சிகளுக்கு வருவது, ஆடுவது, குதிப்பது தடுக்கப் படுமா?

* “மானாட-மயிலாட-மார்பாட’ என்று சொன்னபோது கோபம் வந்துவிட்டதாம்- இப்பொழுதும் ஆட்டியும், குலுக்கியும் தானே செய்கின்றனர்? யாருக்கும் கோபம் வருகிறார்போல இல்லையே?

* கோவில் நிகழ்ச்சிகளில் ஏன் அத்தகைய மதிப்பும்-மரியாதையும் உள்ள பெண்கள் வந்து ஆடவேண்டும்?

* ஆண்கள் செய்யும் சில்மிஷங்களை ஏற்றுக் கொந்து பிறகு, உள்ளூர் அரசியல்வாதிகளுடன் செல்லவேண்டும்?

5. பொது நிகழ்ச்சிகளில், படோபட விழாக்களில் சேலை அணியாமலே வருகின்றனரே?

* அங்கே மதிப்புக்குரிய அப்பெண்கள் குனியவே வேண்டாமே?

* தெரியவேண்டியவை நன்றாகவேத் தெரிகின்றனவே?

* செல்போனையே செல் என்றல்லாவா கட்டளையிடுகின்றன?

6. திருட்டுத்தனமாக செல்போனிலே படம் எடுக்கவேண்டாமே, வெளிப்படையாக 50-100 பேர்கள் கும்பல் கும்பலாக நின்றுகொண்டு, அருகில் வந்து, நெருங்கி வந்து, “ஜூம்” [தொலைவில் இருப்பது அருகில் இருக்கிறார்போல காட்டும்] செய்து அப்பட்டமாக “லைவாக” [நேரிலே பார்க்கிறார்போல, உயிரோட்டத்துடன் ஆடுவது, நகர்வது, “ஸ்லோ மோஷன்” இத்யாதி உள்பட] எடுக்கிறார்களே?

7. கோடிக்கணக்கான மக்கள் பார்க்கும்படி ஒளிப்பரப்புகிறார்களே?

8. அப்பொழுது அந்த பெண்களுக்கு அறிவு எங்கு போயிற்று?

9. போட்டோ, வீடியோ எடுப்பதைத் தடுத்தார்களா? அசிங்கம், ஆபாசம், கேவலமான புத்தி என்றெல்லாம் யாருக்கும் யோசிக்கக் கூட அறிவு வரவில்லையே?

10. நடுத்தெரு நிர்வாணங்கள், அரங்க ஆபாச நடனங்கள், “நீலநிறப்படங்களையும்” விஞ்சும் கொக்கரக்கோ பாடல்கள், குலுக்கும் நடனங்கள், குத்தாட்டங்கள் இவையெல்லாம் என்ன? கேவலமாக இல்லாமல் நன்றாக இருக்கின்றனவா?

11. ஆளுகின்ற வயதான, மதிப்பும்-மரியாதைக்கும் உரிய முதல்வர், பல அதிகாரிகள், பெண்கள், சிறுவர்கள் என இவர்கலது முன்பாகவே அத்தகைய நிகழ்ச்சிகள் நடக்கின்றனவே?

12. வயதானவர்கள் என்றால் தட்டி கேட்கவேண்டாமா? ஆனால் கருப்புக் கண்ணடி போட்டுக் கொண்டு ரசித்து பார்ப்பது, அவரது நெற்றி சுருங்குவது, கண்கள்-விழிகள் இடம் மாறுவதால் புருவஜாலனங்கள், தாடைகள், கன்னங்கள் அளவு பெரிதாகுவது முதலியவற்றை உன்னிப்பாக பார்க்கும்போது, உண்மை தெரிகின்றதே?

13. மூதறிஞராக இருக்கும் பட்சத்தில் அறிவுரை வழங்க வேண்டாமோ? ஆனால் பரிசல்லவோ தருகிறார். சரி அத்தகைய அறைகுரை ஆடை அணிந்த நடிகைகள் இவர் உட்கார்ந்திருப்பதனால் குனிந்துதானே வாங்கிக் கொள்கின்றனர்? அப்பொழுதும் யாரும் அறிவுரை சொல்லவில்லையா?